نوموړې ورځپاڼې د بريتانوي طبي کارپوهانو له قوله ليکلي، چې کوم ماشومان له خپلې اندازې زيات کمپيوټر او انټرنيټ ته کيښني، هغوی پر عصبي او عقلي ناروغيو اخته کيږي. 
طبي کارپوهان وايي، چې د انټرنيټ او کمپيوټر ډېره کارونه ماشومانو کې د يوازېتوب، ذهني انديښنو او يو شمېر نورو مرضونو لامل ګرځي.

بريتانوي کارپوهان وايي، چې له څلورو ساعتونو زيات کمپيوتر او انټرنيټ کارول د ماشومانو پر ذهني صحت ناوړه اغېزې لري.

انډيپينډينټ ورځپاڼې زياته کړې، چې ټولنيزې شبکې لکه ټويټر، فیس بک او يو شمېر نور سايټونه د ماشومانو وخت او ذهن ته زيات رسوي.