وله (Willow)

وله چې د نازکو ښاخونو لرونکی لرګین نبات دی، اکثراً د ویالو او نهرونو په غاړه لیدل کیږي. ځکه دا نبات زیات اوبه خوښونکی نبات دی. وله د میوې په منظور نه کرل کیږي، خو د ځینو ځانګړتیاوو له امله په کرنه او اجتماعي ژوند کې خاص ارزښت لري. د نورو نباتاتو تر څنګ وله د قلمې په واسطه زیاته تکثیريږي، که چیرې د ولې کومه ماته برخه د ځمکې سر تماس کې شوه نو هلته ریښې تولیدوي. علت یې دا دی چې وله په زیاته اندازه د ریښو تولید هورمون (Rooting hormone ) لري، د دې هورمون څخه د نورو نباتاتو قلمو لپاره هم استفاده کیږي. د ولې ځنې ګټې په لاندې ډول دي او هم یې په عکسونو کې لیدلی شی.

۱- د ولې څخه د کورونو، حیواناتو او ځمکو لپاره د ژوندی ګټارې (Live Fence) یا عضوي کټارې (Organic Fence) په حیث استفاده کیږي.
۲- لکه څرنګه چې وله نازک ښاخونه تولیده وي، نو کسب لرونکي کسان ورڅخه راز راز شیان تولیده وي، لکه مرغانچې، د خوراکي شیانو ټوکری، ګلدانی، څراغ دانی، شکور، ماشومانو زانګو او داسې نور
۳- د ولې څخه په پارکونو کې د زینت په ډول استفاده کیږي او ورڅخه ښایسته ښایسته جوړښتونه جوړیږي، چې دا د هنر مند په هنر پورې اړه لري.
۴- په کرنې کې د نباتاتو تکثیر په خاطر د ولې څخه د قلمو لپاره د ریښو تولید هورمون لاسته راځي، چې په راتلونکي پوسټ کې به یې په اړه تاسې ته معلومات وړاندې شي.