نیمګړی دنیا | شعر – سید عبیدالله نادر
څوک د نیمـــــــــګړي ارمانو سره ځي
څوک د دردونو طــــــــــوفانو سره ځي
څوک وي بې باکه له حســــاب و کتاب
څوک د ګنـــاه، له سیــــــلابو سره ځي
څو بی احســـاسه بی نشــــــانه شي مړ
څوک د احســــــــاس د غلبلو سره ځي
څوک تیروي، په بیدردۍ خپل عمــــــر
څوک د دردونو، طـــــــوفانو سره ځي
تل په دنیـــــــــــا کي ، بیدران پاتی وي
احســـــاس خاوند، عالی فکرو سره ځي
څوک بی خبره ،له رموزه د عــــــــشق
څوک یي په شړنګ ، د زولنو سره ځي
څوک وي خوشحاله ، په دوام کي د عمر
څوک د دنیا نه ، د تو بــــــــــو سره ځی
چا ته یو ګوټ هم، د طـــــــــالع نه رسی
څو ک ارمــــانونو ، ډک جامو سره ځي
چا سره نه وي ، د بشــــــــــر درد و غم
څوک یي په غم کي ، اندیښنو سره ځي
څوک نه لری، په خپل خاطر کي ملال
څوک یو دفتر، د خــــــــــاطرو سره ځي
چا ســــــــره نه وي ، په زړګي داغونه
څوک د زخمي زړونو، داغــو سره ځي
چا سره نه وي ، پّه سترګــــــــــو کي نم
څوک یي د اوښـــــــــکو دریابو سره ځي
تل وي غمجن ، دا غمــــــخواران د بشر
چی له دنیا نه ، ارمــــــــــــانو سره ځي
سید عبیدالله نادر
کال ۱۳۷۷ پیښاور
