روژه کې د تندې لپاره د سبزیجاتو او میوو ګټې
له یوې خوا ګرمې او له بله پلوه روژه خلک ورخطا کوي. خو د تندې د مخنیوي لپاره موږ اړ یوو چې له یو شمیر خاصو میوجاتو او سبزیجاتو څخه استفاده وکړو.
هر هغه میوې او سبزي چې په زیاته اندازه اوبه ولري، هومره د تندې مخه نیول کیدای شي.
۱ـ هندواڼه: هندواڼه شاو خوا ۹۰ سلنه اوبه لري. که په پیشنمي کې هندواڼه وخوړل شي، نو باور دادی، چې سبا ورځ به انسان ډیر تږی نه وي. هندواڼه د وجود اوبه پوره کوي.
همدارنګه هندواڼه ویټامین ای او ویټامین سي لري، چې د سرطان او د زړه د ناروغیو د رامنځ ته کیدو مخه نیسي.
۲ـ خربوزه یا خټکی: خټکی د وینې لوړ فشار کنټرولوي او د انسان وزن کموي.
مالټا، انګور، او لیمو د خولې خوند برابروي او انسان ځوان او سالم ساتي.
بادرنګ، ګازرې، سلاد او نعناع په شمول یو شمیر نورې سبزیانې هم د انسان د وجود اوبه زیاتوي او د بدن د تودوخې درجه زیاتیدو ته نه پریږدي.
