غذا د چرګانو د توليداتو لپاره يو مهم فکتور ده چې د چرګانو د لګښتونو 70 سلنه جوړوي.
چرګان متراکمې غذا ته اړتيا لري ځکه چې چرګان د شونډو د نه شتون له امله نشي کولاي چې غير متراکمې غذا څخه استفاده وکړي.
د چرګانو لپاره داسې غذا برابره شي چې د هغوی د توليد د ډول سره مناسبه وي.
غذا بايد د هغوی د بدن ټولې اړتياوې پوره کړي، په همدې ترتيب د هغوي د غذا د تيارولو په وخت کې د هغوي د ساتلو هدف، عمر ،نسل ،اندازه  او د ساتنې د سيستم هر يو ته په پام کې لرلو سره د پروټين او انرژې  اړتيا په نظر کې ونېول شي.

د کورنيو الوتونکو د غذا مهمې سرچېنې عبارت دي له:
انرژي سرچېنه  د غوړ سرچېنه د پروټين سرچېنه د ويټامينونو او منرالونو تکميل کوونکو څخه ده.
دا چې خوراکي توکي مختلفې دندې لري بايد د خوراکي توکو د دندو په پام کې رسولو سره هغوي ته خواړه برابر کړل شي.
د غذايي توکو د کمښت په صورت کې نه يواځې په زړه پورې توليد نه شي ورکولی بلکې د راز راز ناروغيو سره  هم مخامخ کېدای شي.
چرګانو ته بايد متوازنه غذا برابره شي ددې هدف لپاره کولاي شو چې د پيرسن مربع او الجبري طريقو څخه ګټه واخلو.