د لمانځه اهميت او د لمانځه په غفلت کولو سخت غذابونه :

مَا سَلَكَكُمْ فِي سَقَرَ ۴۲ قَالُوا لَمْ نَكُ مِنَ الْمُصَلِّينَ (المدثر۴۳).

(( تاسی څه شی دوزخ ته بوتلی ، هغوی به ووايی مونږ له لمونځ کونکو څخه نه ؤ )).

فَخَلَفَ مِن بَعْدِهِمْ خَلْفٌ أَضَاعُوا الصَّلاَةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا (مريم ۵۹).

(( بيا له هغوی ورسته هغه ناکاره خلکو دهغوی ځای ونيو چه لمونځ يي ضايع کړ او دخپل نفس دغوښتنو پيروی يي وکړه نږي ده چه دګمراهی له عاقت سره مخ شي )).

رسول الله ( ص) دژوند په  آخری شيبو کی پدی خبرو تنګار کولو:

«الصَّلَاةَ الصَّلَاةَ وَمَا مَلَكَتْ أَيْمَانُكُمْ» ابي داود,ابن ماجه, ومسند أحمد

(( دلمانځه اداکول،دلمانځه په اداکولو اوله مزدورانوسره دښی رويی کولو خيال ساتی )).

«مَنْ حافَظَ عَلَيْهَا، كَانَتْ لَهُ نُوراً وبُرْهَاناً وَنَجَاةً يَوْمَ القيامَةِ، وَمَنْ لَمْ يُحَافِظْ عَلَيْهَا، لَمْ يَكُنْ لَهُ بُرْهَانٌ وَلا نُورٌ وَلَا نَجَاةٌ، وَكَانَ يَوْمَ القِيَامَةِ مَعَ قارُونَ، وَهامَانَ، وَفِرْعَوْنَ، وَأُبَيِّ بْنِ خَلَفٍ» مسند امام أحمد وابن حبان

((څوک چه په  لمانځه  (سره له  حقوق) دايمی پابندوی هغه لمونځ به دقيامت په ورځ دده لپاره دليل ،وسيله اورڼايی وګرځی، اوڅوک چه دلمانځه پابندی ونه کړی دده لپاره به په قيامت کی  نه  دليل  وی ،نه وسيله،نه نجات اونه به نور  وی ،اودقيامت په ورځ به له قارون،فرعون،هامان اوابی بن خلف سره يو ځای حشر کيږی)).

«بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلاَةِ». صحيح مسلم

(( فرق په مابين د  مؤمن اوكافر او مشرك کی دلمانځه ترك کول دی)).

دابی هريره(رض)   نه روايت چه رسول الله صلی الله عليه وسلم وفرمايل:

    (( إنَّ أوَّلَ مَا يُحَاسَبُ بِهِ العَبْدُ يَوْمَ القِيَامَةِ مِنْ عَمَلِهِ صَلاَتُهُ ، فَإنْ صَلَحَتْ ، فَقَدْ أفْلَحَ وأَنْجَحَ وَإنْ فَسَدَتْ ، فَقَدْ خَابَ وَخَسِرَ ، فَإنْ انْتَقَضَ مِنْ فَرِيضَتِهِ شَيْءٌ قَالَ الرَّبُ ج انْظُرُوا هَلْ لِعَبدي من تطوّعٍ ، فَيُكَمَّلُ مِنْهَا مَا انْتَقَصَ مِنَ الفَرِيضَةِ ؟ ثُمَّ تَكُونُ سَائِرُ أعْمَالِهِ عَلَى هَذَا )) (رواه التِّرمِذِيُّ).

(( دقيامت په ورځ به دبنده په اعمالو کی (دټولو نه مخکی ) دهغه دلمانځه حساب وی کچری دهغی  دلمانځه حساب صحيح اووتلو نوکامياب شو اونجات يی وموند اوکچری خراب  راووت نونامراداوتاواني شو که د فرضوڅخه کم راووتل نوالله تعالی به وفرمايې وګوری که دده په عمل نامه نفل وی نودهغه په ذريعه داکمي پوره کړي ددی ورسته دپاتی اعمالو حساب کتاب هم پدی اندازی باندی کيږی )) ترمذی

له لمانځه نه غافله مسلمان ورور سره څو خبری :

پوښتنه مي وګړه څنګه لمونځ نه کوي

ويې ويل : مشغول ومه

ومي ويل : څه مشغوليت ؤ ترلمانځه هم مهم په داسي حال کی چه  دقيامت په ورځ به لومړی حساب دلمانځه وي .

ويې ويل : پوهيږی چه ددنيا مشغوليت ذيات دی نوڅه بايد وشي .

ومی ويل :آيا نه پوهيږی چه داسلام اوکفر ترمنځ سرحد لمونځ دی

حديث شريف : بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلاَة

وويل : مسلمانی يواځی په لمانځه کښي نده ،مهمه داده چه دانسان زړه پاک وي ،زه مسلمان ته ضرر نه رسوم ،له خلکوسره ښه سلوک لرم اودټولوسره خوش اخلاقي کوم.

ومي ويل : دغه شيطانی حيله ده چه ځنی مسلمانانوته دهغه په وسيله فريب ورکوي ترڅودګناه مرتکب شي ،چه دی فکرکوي مابه ښه کارکړی وي زه خوښه سړی يم حال داچه ترلمانځه نولويه ګناه شته ؟ داسترعبادت ګوره

دادشيطان وسوسي دي چه زمونږ ناوړه اعمال راته ښه ښکاره کوي

وَإِذْ زَيَّنَ لَهُمُ الشَّيْطَانُ أَعْمَالَهُمْ (الانفال ۴۸)

وويل :ډيرخلک شته چه لمونځ کوی خوبيا هم ګناه کوي

ومي ويل :نوڅوک چه لمونځ کوي هغه به نو ګناه نه کوی معصوم به وي ؟ معصوم له ګناه خو يواځی پيغمبران دي،خوته لمونځ کوه اوورسته ناوړه اعمال پريږده اوښه کارونه شروع کړه ،همدغه ته به يوه نمونه وی په ټولنه کی اودستا ښه اعمال به په ډيرو خلکو تأثير وغرځوی.

ويې ويل : زه خو کلمه د لااله الاالله وايم اوالحمدالله مسلمان يمه اورسول الله (ص) فرمايلي چه لااله الاالله دجنت کلۍ ده اوڅوک چه لااله الاالله ووائی د دوزخ اور په هغه کس حرام دی اوبل داچه الله (ج ) غفوراورحيم دی.

ومی ويل :داچه لااله الاالله دجنت کلۍ ده هيڅ شک پکی نشته ولی پوهيږی چه علماؤ په شرح ددی حديث شريف څه ويلي؟.

لااله الاالله دجنت کلۍ ده ولی هره کلۍ  دندانی لری چه دهغه په وسيله دروازه  خلاصيږی اودجنت دکلۍ دندانی صالح اعمال دی او لااله الاالله بدون له عمل په اسلامی تعليماتو په شان دبی دندانو کلۍ ده .

قوله تعالی :وَبَشِّرِ الَّذِين آمَنُواْ وَعَمِلُواْ الصَّالِحَاتِ أَنَّ لَهُمْ جَنَّاتٍ تَجْرِي مِن تَحْتِهَا الأَنْهَارُ (البقره ۲۵).

قوله تعالی : وَالَّذِينَ آمَنُواْ وَعَمِلُواْ الصَّالِحَاتِ أُولَـئِكَ أَصْحَابُ الْجَنَّةِ هُمْ فِيهَا خَالِدُونَ (البقره ۸۲).

نوثابته شوه چه ايمان اونيک عمل لازم اوملزوم دی .

يوبل ورور ؤ چه سخت زحمتکښه ؤ خولمونځ يی  بالکل نه کولو .

ورته ومی وويل وروره ته ولی لمونځ نه کوي ؟

راته ويې ويل : له وسه می نه کيږي  اوترټولو ګران شی ماته لمونځ کول دی

په لمانځه کی خو سستی کولو کی هم سخت وعيد دی وار خو د بالکل پريښودوشو.

قوله تعالی :

إِنَّ الْمُنَافِقِينَ يُخَادِعُونَ اللّهَ وَهُوَ خَادِعُهُمْ وَإِذَا قَامُواْ إِلَى الصَّلاَةِ قَامُواْ كُسَالَى يُرَآؤُونَ النَّاسَ وَلاَ يَذْكُرُونَ اللّهَ إِلاَّ قَلِيلاً (النساء ۱۴۲ ).

بيا می ورته دلمانځه اهميت او دلمانځه  دپريښودو سخت غذابونه بيان کړل  ، ددی نه ورسته  هغه کس سخت خفه شو دغه وخت درمضان روژی ته څو ورځی پاتی وی ، ورسته يی راته وويل  زه هر کال يواځی په روژه  کی لمونځ کوم کله چه روژه ختمه شی زما لمونځ  هم ختم شی ، خو نن ورځ زه له خپل رب (ج )  او تا سره وعده کومه چه دروژی له پيل څخه ورسته به بيا دمرګ ترورځی لمونځ قضا نه کړم .

همغه ؤ چه ورسته بيا دټولو څخه مخکی همدا کس لمونځ ته پاڅيدلو.

ګرانه  !

آيا لمونځ ماليات غواړي  ؟ چه دپيسو په ورکړه دي زړه ونه شی .

آيا لمونځ  دومره ډير وخت نيسي  چه تا دژوند له چارو محروم کړي ؟

آيا لمونځ  دومره دروند عمل دی چه تا سخت ستړی کړې ؟

آيا ته نه پوهيږی چه دحشر په ميدان کښی به محمدی ص امت څنګه پيږندل کيږي؟

دمحمد رسول الله د امتيانو به  داواسه اندامونه ځليږي ، نو څوک چه لمونځ ونه کړی دهغه به څه شی وځليږي اوپه څه به وپيږندل شي او دکومي ډلي سره به وي .

آيا لمونځ  کوم مباح عمل دی چه ثواب اوغذاب ونه لري ؟

بلکی لمونځ  دمسلمان دنجات  ذريعه ده او دلمونځ په غفلت سره دسختو غذابو نوخبرداری ورکړ شوی

لمونځ  يوه الهی منظمه برنامه ده چه په ټاکلو اصولو اوټاکلو وختونو تر سره کيږي ،هيڅ څوک هم ددی برنامی دتغير توان نلري

ګرانه !

لمونځ دورځی پنځه وخته  يواځی څو دقيقی وخت نيسي چه بنده دخپل ستر څښتن (ج ) حضور ته دريږی او دهغه (ج ) مناجات کوی .

نو ګرانه او ګراني  راځي !

نور ددی پر ځای چه شيطان ته تسليم وو  او هغه پر مونږ باندی دخپل زړه لوبي وکړی  راځی ! خپل رب ته تسليم شو اونور دهغه پوره  اطاعت  وکړو .

ګرانه پام کوه ! کله داسی فکر اوسوچ ونه کړی چه زه خو نو ډير ګنهګاريم  نور نو له شرمه دتوبی اودوعا لاسونه خپل رب(ج ) نشم پورته کولی .

پوه شه داسی فکر هيڅ کله هم مه کوه د الله تعالی د رحمت دربار هر کله دخپل بنده پر مخ پرانيستي دی

اوس ته خپله دهغه  (ج ) د مهربانی خبر ولوله :

قوله تعالی  :

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لاَ تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (الزمر ۵۳ ).

(ای پيغمپره ) هغو بنده ګانو ته می ووايه کومو کسانو چه پر خپلو ځانونو تيری کړی دی چه دالله له رحمت څخه مه ناهيلی کيږی يقينًا الله ټولی ګناوی بښی هغه خو بښونکی اومهربان دی .

اود توبی په اړه د رسول الله ( ص) وينا هم ولوله :

وعن أبي حمزةَ أنسِ بنِ مالكٍ الأنصاريّ – خادِمِ رسولِ الله صلی الله عليه وسلم قَالَ : قَالَ رَسُولُ الله صلی الله عليه وسلم : للهُ أفْرَحُ بِتَوْبَةِ عَبْدِهِ مِنْ أَحَدِكُمْ سَقَطَ عَلَى بَعِيرهِ وقد أضلَّهُ في أرضٍ فَلاةٍ (متفق عليه ).

له ابي حمزه انس  بن مالک انصاری (رض) خادم رسول الله (ص) نه روايت دی چه رسول الله (ص) فرمايلی :

چه ديوه کس نه په يوه دښته يا صحرا کی خپل اوښ ورک شوی وی او هغه پيدا شی نو دغه کس به څومره خوشحاليږی – بس الله تعالی ددی نه هم ذيات دخپل بنده په توبه ويستلو خوشحاليږی .

ګرانه  نور نو ستا خوښه ده چه څرګه خپل تصميم ونيسي

خدای (ج )  دي  په اخلاص سره د رجوع او توبی کولو توان  ما اوتاته  راکړي .

يادونه : څرنګه چه لمونځ په دين کی داسی اهميت لری  لکه د انسان په بدن کی سر نو دڅوورځو لپاره به ان شآءالله د لمانځه په اړه  پوره معلومات  خپاره شی .