د لباس اړوند شرعي احکام
ګرانو مسلمانانو ورونو! نارینه اوزنانه دواړو ته د لباس په اړوند د اسلام د مبارک دین هدایات واضح کوم ترڅو يې عملي کړئ .. وفقنا الله تعالی وایاکم.
۱ـ هغه لباس چې د زنانه و په شکل ګنډل شوي وي، نارینه ته ممنوع دي او د نارینه په شکل ګنډل شوي زنانه و ته ناروا دي.
۲ـ د زنانه د رخت څخه نارینه او د نارینه د رخت څخه د زنانه کالي نه شي ګنډلای.
۳ـ ډېر تنګ لباس چې د اندامونو حجم پکې معلومېږي، نارینه او زنانه و دواړو ته ناروا دي .. لکه تنګ پتلون.
۴ـ نارینه ته د سرو زرو ګوته او د ورېښمو جامې ناروا دي.
۵ـ د نارینه لپاره د سر څه ویښتان کټ کول او څه پرېښودل او زنانه ته هم د نارینه په څېر ويښتان جوړول نا روا دي.
۶ـ ږيره کلول، لنډول او سپینه ږیره [د غیر مجاهد لپاره] تورول او لوی لوی بریتونه پرېښودل ناروا دي.
او بریتونه په چاړه کلول صحیح نه دي، بلکې په قینچی کینول په کار دي.
۷ـ نارینه ته پایڅې د ښنګرو څخه لاندې کول لویه ګناه ده.
۸ـ نیکټایی اچول کبیره ګناه ده ..امام ابو داود رحمه الله په دې باب ودرولی دی:
باب الصلیب فی الثوب عن ام المومنین عایشة رضی الله عنها.ان سول الله صلی الله علیه وسلم کان لایترک فی بیته شیا فیه تصلیب ج ۲ ص ۲۱۶
۹ـ ډېرې نرۍ جامې اغوستل.
۱۰ـ نارینه ته همېش سرتور ګرزېدل ښه نه دي.
۱۱ـ نوکان اوږدول، وريځې ویستل .. د سر ویښتانو پورې نور ویښتان تړل، د سر ویښتان کرل.
۱۲ـ د کبر او فخر او ریا لپاره د شهرت جامې اغوستل.
۱۳ـ د کافرانو د لباس په شان لباس اچول ناروا دي.
۱۴ـ نارینه ته په لاسونو او پښو نکریزې کول [بې له عذره شرعي] او ګوته او ورغوی سره کول.
۱۵ـ د ضرورت نه سوا زیاتې جامې کول ناروا او اسراف دی .. هم نارینه او هم زنانه ته.
۱۶ـ بې ږیرې هلکانو ته د پېکي ویښتان اوږدول رانجه کول، د اجنبي خلکو سره سفر ته تلل ناروا دي.
۱۷ـ د سرو زرو غاښونه ایښودل ناروا دي.
۱۸ـ زنانه و ته لباس لپاره بازارونو ته تلل او غير محرم خلکو سره بحث کول ناروا او نارینه لپاره کمال بې غیرتي ده.
۱۹ـ د زنانه تصویرونو ته کتل .. او د واده زلمی د ناوې سره د خلکو تر مخ کېنول او هلک ناوې کول سخته لویه ګناه ده.
۲۰ـ د نارینه په مجلس کې زنانه و ته وینا او د تقریر وخت ورکول لویه بې غیرتي او ګناه ده.
ترنورو په رسولو کې خپله ایماني وظیفه اداء کړئ.
والسلام … د اسلام خادم ضیاء الله حکیمی – رودات.
