د سرو بانجانو پوټکی، لکه د مڼې پوټکی د بلا ويټامینونو ډک دی او انسان د ډېرو ناروغیو ژغوري، انسان آن د زړه د بیمارۍ هم ژغوري، دا ځکه چې د سرو بانجانو پوټکی د لیکوبین عجیبه ماده لري.

لیکوبین ماده سرو بانجانو ته نه یواځې سور رنګ ورکوي؛ بلکې ډيری ويټامینونه لري چې بدن ته ډېر صحي ګټې رسوي، د (اید) طبي ټولنې په بنا څوک چې سره بانجان د پوټکي پرته خوري له دغو ویټامینونو بې برخې کېږي.

لیکوبین ماده د کاروتین له کورنۍ څخه ده چې د اکساید پر ضد کاریږي او د بدن حجرې ساتي،  د دې سربېره د بې کاره کلیسټرولو (LDL) په علاج کې هم برخه اخلي، چې لیکوبین ماده کولای شي په وینه کې د کلیسټرولو اندازه را کمه کړي.

د لیکوبین ماده په هندواڼه او پاتې نورو میو، همداراز په سور رنګه سبزیجاتو مثلا: ګازرو، سور مرچک کې هم موجوده ده خو په سرو بانجانو کې يې اندازه نسبت نورو ته ډېره ده.

سره بانجان په غوړو کې سره کړي، خام یا د ترکارۍ سره یو ځای يې د خوړو امکان شته، د لیکوبین ماده په کتغ کې د ورکېدو یا حل کېدو  په حالت کې باک نه کوي.

سعید کاموال