د خولې د سوخت پر وخت لومړی څه وکړو!!
کله کله انسان ډېر وږی او خواړه ډېر تاوده وي، بس له واره يې خولې ته کړي او بيا نو په رڼا ورځ ورباندې د اسمان ستوري وشمېږي.
که تاسې هم کله کله له دغسې پېښې سره مخ کېږئ او خوله مو سوځي، نو داسې يې علاج وکړئ.
تر هر څه وړاندې که ایسکریم په لاس درغلل، تر ټولو ښه درمل دي، بس سملهلاسه یې خولې ته کړئ، نه یوازې دا چې د خولې د سوځېدلې برخې د نور خرابېدو مخه نيسي، بلکې سملهلاسه مو درد هم اراموي.
که ایسکریم مو ژر پیدا نه کړ، بیا د خولې مينځلو له درملو یا ماوت واش څخه ګټه پورته کړئ.
دا محلول هم ژر ارام در کولای شي.
که چېرې مو ماوت واش هم پیدا نه کړ، یو جوس ژر پر سر واوړوئ، يا يوه مېوه خولې ته کړئ.
خو پام مو اوسه که مو خوله سوځېدلې وي، نو تروه او تاوده خواړه مه خورئ
