د حضرت محمد صلى الله عليه وسلم ويناوې ۷
٩١: په خپلو کارو کي د راز پټ ساتلو څخه مرسته وغواړئ ځکه څوک چي نعمت لري د نورو د حسد ښکار سي.
٩٢: ډېر غوره خلک هغه دي چي نورو ته ډېره ګټه رسوونکي دي.
٩٣: تر ټولو ستر خيانت دا دئ چي ته هغه دوست ته چي تا رښتونى ګڼي ته ورته درواغ ووايې.
٩٤: صالح اولاد د جنت د ګلانو څخه يو ګل دئ.
٩٥: څلور شيان د بدمرغۍ نخښي دي:
لومړى : د سترګو ټيټوالى
دويم: د زړه کلکوالى
دريم: د هيلو اوږدوالى
څلرم: د عمر د ډېروالي مينه
٩٦: بدمرغه د بدمرغانو هغه خلک دي چي پ دې دنيا کي غريب وي او په هغه دنيا کي په عذاب کي وي.
٩٧: د سړي اعتبار پر عقل دئ او څوک چي عقل نه لري هغه دين نه لري.
٩٨: د عقل بنسټ پر الله پاک جل جلاله تر ايمان را وروسته د خلکو سره دوستي ده.
٩٩: يو د بل پر لاسو د ميني له کبله زور وکړئ چي دا کار د زړونو څخه کينه ليري کوي.
١٠٠: زر دوستان د يوه دښمن کار نه سي ترسره کولاى.
١٠١: د انسان ښکلا د هغه فصاحت دئ.
١٠٢: مسلمان د مرګ څخه نه بېرېږي.
١٠٣: کله چي يو څوک په حق ورسېږي يعني مړ سي نو خلک وايي چي تر شا ئې څه پرېښوول خو ملايکي وايي چي مخ ته ئې څه ولېږل.
١٠٤: ايمان دوې نيمايي لري لومړى نيمه ئې صبر او دويمه نيمه ئې شکر دئ.
١٠٥: امېد او آرزو رحمت دئ زما د پېروانو له پاره که امېد نه واى مور به اولادو ته شيدې نه ورکولاى او باغوان به درختي يا وني نه کښېښولاى.
١٠٦: هر کله چي پلار زامنو ته وګوري او هغوى خوشحاله کړي پلار د يوه غلام د آزادولو د اجر لايق سو.
١٠٧: خپلو اولادو ته شعر ور زده کړئ ځکه شعر د هغوى ذهن ور خلاصه وي او هغوى ته شجاعت او زړه ورتيا ور په برخه کوي.
١٠٨: چا چي په لږ شي کي خيانت وکړ، په ډېر شي کي ئې هم خيانت وکړ.
١٠٩: قاطع اراده او احتياط د برياليتوب پيل دئ.
١١٠: صبر کوونکى اوسه، صبر د عقل تله او د توفيق نخښه ده
