د حضرت محمد صلى الله عليه وسلم ويناوي ۱
زه د غوره اخلاقو د بشپړتيا له پاره رالېږل سوى يم.
تر ټولو قيمتي سرمايه عقل ده. لوى درد بې عقلي، وېرونکى وحشت مغروره کېدل او تر ټولو قدرمنه پانګه غوره اخلاق او ورين تندى دئ.
ناوړه اخلاق لرونکى هره ګړى د يوې ګناه څخه بلي ګناه ته ستنېږي.
د خپلوانو، ګاونډيانو او هر هغه وګړي سره چي ستا اړيکي وي د غوره اخلاقو څخه کار واخله.
په تاسي کي غوره هغه څوک دئ چي اخلاق ئې غوره وي، خلک د دوى سره او دوى د خلکو سره مينه کوي.
غور او فکر هغه لوى عبادت دئ چي د پټو حقائقو د پلټني له پاره ئې سرته رسوو.
غوره شيان هغه دي چي اعتدال ته نژدې وي.
پوه او هوښيار سړى هغه دئ چي د خپل ژوندليک د په کار اچولو او برابرۍ ساتني له پاره خپل سوچ او طبيعيت ترمنځ حقيقي سرنوشت ويني.
د ايمان درې قوي سرچينې دي، پاکه عقيده، حيا او عفت او د هېواد مينه
مؤمن په خپله، پرته له خداى او جنته بله معامله نه کوي
بشريت به په تاوان کي وي چي ايمان او نيکي خپل شعارونه ګرځوي
حيا او ايمان يو بل ته نژدې دي يو چي روان سي هغه بل هم ورسره ځي
ايمان صبر او سخاوت دئ
پاکي د ايمان برخه ده
د چا چي دوې ورځي مساوي وي تاوان ئې وکړ
له لجوج څخه ځان وساتئ ځکه انګېزه ناپوهي او پايله ئې پښېماني ده
پښېماني توبه ده
هيڅ حسب او نسب ښه خوى ته نه رسېږي.
