“که د تخرگو او نامه نه لاندی ویښته د خریلو په ځای په یوه ویښته پاکوونکې ماده باندی پاک کړل شي، نو ایا داسی کول په اسلام کی جواز لری او که نه؟”

ځواب
مولوي امين الله ازره وال
الحمد لله رب العالمين والصلاة والسلام على محمد وعلى آله وصحبه اجمعين , وبعد :
د تخرګونو ویښتان اوپه همدې توګه له نامه څخه لاندې ويښتان په چاړه او يا په داسې موادو سره چې ويښتان پاکوي لرې کول روا دی کوم حرج پکې نشته په دې هکله په معاصره موسوعة (الموسوعة الکویتیة) کې داسې راغلی دي:

المفاضلة بين حلق العانة وغيره من طرق الإزالة :
لا خلاف بين الفقهاء في جواز إزالة شعر العانة بأيّ مزيل من حلق وقصّ ونتف ونورة ، لأنّ أصل السّنّة يتأدّى بالإزالة بأيّ مزيل ، كما أنّه لا خلاف بينهم في أنّ الحلق أفضل لإزالة شعر العانة في حقّ الرّجل (الموسوعة الکویتیة.)30/238)

له نامه څخه دلاندې ويښتانو په لرې کولو کې غوره طريقه:
دفقهاوو ترمنځ دنامه څخه دلاندې ويښتانو په کلولو،لنډ ولو، په نوکانو باندې ويستلو اوياپه چونه باندې لرې کولو په جواز کې اختلاف نشته دی.،ځکه چې اصل سنت د ويښتانولرې کول دي په هره وسیله چې وي لکه څنګه چې په دې کې هم اختلاف نشته چې دنارينه لپاره يې کلول غوره دی .