دتهجد لمونځ، طریقه یې

دتهجد لمونځ په ټولو نفلي لمونځو كي ثواب زيات لري او طريقه يې داسي ده:

كله ، چي مسلمان ورور دماخوستن تر لمانځه وروسته بيده سي او دڅه وخت خوب كولو وروسته بېرته راويښ سي همدغه وخت دتهجد دلمانځه دئ په دغه وخت كي  دوه، ياڅلور ، يا اته او يا دوولس ركعته نفل وكړي وروسته كه وخت وي  بېرته بيده سي په دې شرط ، چي دسهار لمونځ ځني قضا نه سي او كه وخت نه وي نو بېرته په عبادت اخته سي څو سهار سي او دسهار لمونځ په جماعت ادا كړي ، دتهجد دلمانځه زيات ثوابونه په احاديثو كي راغلي ، چي دبېشمېره بركتونو او رحمتونو سبب ګرځي، دتهجد په وخت  كي دعا قبليږي ، پاته دي نه وي ، چي دتهجد دلمانځه تر نيت وړاندي لاندي دعا ووايي:

اللهم اني اعوذبك من ضيق الدنيا وضيق يوم القيامة

ژباړه: اې الله! ( زه ددنيا او اخرت دتنګيو څخه پناه غواړم).

(سنن ابي داود باب ما يقول اذاصبح)

مفتي عبدالهادي حماد

حمادیه اسلامیه مدرسه، کندهار