بې خوند او ټوپ نه د مني وتلو حکم

پوښتنه:

زما پوښتنه دا ده چې: وروسته د غسل کولو څخه په ډيره کمه اندازه مني نه په خوند او نه ټوپ سره راووځي بيا غسل کول ضروري دي او که نه ــ  مننه

ځواب:

قدرمنه وروره! وعليکم السلام ورحمة الله وبرکاته
روغتيا او خوشحالي دې غواړم.
کله چې د چا څخه مني ووزي او غسل ورباندې واجب شي او بيا غسل وکړي او د غسل کولو څخه وروسته بيا په کمه اندازه مني ورڅخه ووزي نو لمړى غسل يې باطليږي او له سره بيا غسل ورباندې واجبيږي، که څوک دا فکر وکړي چې بې خوند او ټوپ څخه د منيو په وتلو سره خو غسل نه واجبيږي، دلته څرنګه واجبيږي، دا خو سمه خبره ده، خو دلته دغه لږ اندازه مني د هغو منيو باقيمانده ده چې په خوند او ټوپ سره وتلي دي، او دې سړى د وخت څخه مخکې غسل کړى دى، ځکه چې د منيو وتل تکميل شوي نه و، نو کله چې دغه مني ووزي هغه لمړنۍ غسل باطليږي او له سره غسل ورباندې واجبيږي.
والله اعلم

ځواب: مولوی مجیب الرحمن منصور