ای ګناهکاره ! آيا ته پوهيږې چې ګناه ستا سره څه کوي ؟
ای ګنکاره ! د بدن روغتيا او سلامتي تا ته فريب درنه کړي !
ای ګنکاره ! د بدن روغتيا او اولاد دې تاته فريب در نه کړي ځکه چې د آخرت سفر ممکن ناخبره وي او ګناه نه هيردونکي ده .
ابودرداء رضی الله عنه وايي : د الله تعالی داسې عبادت کوه چې ګيا هغه جل جلاله وينې او خپل ځان دې په مړو کې وشميره او خبر اوسه هغه شي چې ستا کفايت ور باندې کيږي که لږ هم وي ښه دي تر ډير هغه څه څخه چې تا سرګردان او غافل کړي او پوه شه چې نيکي زړيږي نه او ګناه هيريږي نه .
ای ګنکاره ! ډير ضروري ده چې د خپلې ګناه له وجې وويريږې
ای ګنکاره ! پوهيږې چې هغه لومړی کس چې ته ازار ورکوﺉ څوک دی ؟
هغه ستا نفس دی ! هغه نفس چې ستا په سينه کې موجود دی ….
هغه لومړنی شی دی چې ته په ګناهونو ازار ورکوې . نو کله چې چا خپل نفس په ګناهونو اخته کړ بيا هغه ته څه کرامت پاتې نه شو او دا څه تعجب نه دی چې ګناهکاران د خلکو ډير ذليل او خوار خلک دي .
الله تعالی فرمايي : وَمَن يُهِنِ اللَّهُ فَمَا لَهُ مِن مُّكْرِمٍ – حج ۱۸
او څوک چې الله خار کړي نو بيا هغه ته څوک عزت او کرامت نشي ورکولای
ابن قيم رحمه الله وايي : څوک چې ګناهونه نه کوي او د الله تعالی په اوامرو محکم ولاړ وي نو دې په اصل کې د الله تعالی قدردانۍ کوي او څوک چې د الله قدر وکړي د هغه جل جلاله په حضور کې به دده قدر وي او څوک چې د الله قدر نه کوي (دهغه د حکمونو خيال نه ساتي ) نو دا کس به هم د الله تعالی په حضور کې بې قدره وي.
له ابوسفيان بن عيينه نه روايت : يو کس له يوه حکيم څخه د رخصتيدو په وخت کې وويل : ما ته نصيحت وکړه . ويې ويل : څوک چې دوست لرې له هغه سره بدي مه کوه ! ويې ويل : نو څوک د خپل محبوب سره بدي کوي ؟ ويې ويل هو ، کچيرې د الله تعالی نافرمانې وکړې د هغه جل جلاله د خفګان سبب ګرځي او د خپل نفس سره به دې بدي کړی وي .
ای ګنکاره ! ابن عباس رضی الله عنه وايي : نيکي د چهرې د روښنايی ، د زړه د نورانيت ، د روزې د فراخوالی ، د بدن د تقویې ، او د خلکو په زړونو کې د محبت باعث ګرځي ، او بدي د چهرې د تارکۍ ، د زړه د توروالی او سختۍ ،د بدن د سستۍ ، د روزې د کمۍ او خلکو په زړونو کې نفرت سبب ګرځي .
ای ګنکاره ! ايا خپل زړه ته دې توجه کړې ده .
ای ګنکاره ! که دې د زړه پرده لري شي نو بيا به د ګناه اثار ووينې بيا به ته پوه شي چې له ګناه بدترين درد او غم بل نشته .
رسول الله صلی الله عليه وسلم فرمايي : کله چې بنده ګناه وکړي د هغه په زړه کې يوه تور داغ پيدا کيږي پس که توبه او استعفار وکړي هغه بيرته پاکيږي او که ګناه ته ادامه ورکړي نو د هغه په زړه دومره تور خاپونه پيدا کيږي چې بلاخره د هغه ټول زړه احاطه کوي او دا همغه زنګ دی کوم چې په اړه الله تعالی فرمايي :« كلا بل ران علي قلوبهم ما كانو ِيكسبون »
(رواه احمد ، ترمذی ،ابن ماجه او حاکم ) .
ای ګنکاره ! آيا ته پوهيږي چې ګناه د زړه د مرګ سبب ګرځي او داسې نرې پرده ده چې هغه له خير او هدايت څخه بې برخې کوي .
د ګناهونو ترک د زړه د ژوندې کيدو سبب ګرځي او غوره دا ده چې د نفس نافرماني وکړ شي .
مالک بن دينار وايي : د بنده د پاره تر ټولو بدترين شی د زړه سختوالی دي .
محمد بن واسع وايي : ګناهونه په پرلپسې توګه د انسان زړه وژني .
ای ګنکاره ! نو د زړه په تباهۍ او مرګ کې څه خير وينی ، همدا ته که کله کوچنی درد په خپل قلب کې احساس کړي نو ډاکتر ته منډې وهې او وايي زړه مې زړه مې !ولې د ګناهونو درد او د زړه زنګ ته اهميت نه ورکوې ؟.
نو ای غافله ! پورته شه مخکې له دې چې بيا به نشي پورته کيدای .
ای ګناهکاره : ګناه ذلت او خواري ده .
حسن بصري وايي : چا چې ګناه ښه وګڼله الله تعالی به يې خواري او ذلت په نصيب کړي بنده تر هغه وخته پورې څو چې پند او نصيحت قبلونکي وي د خير په لورې درومي .
ای ګناهکاره : ګناهونو د نعمت د لاسه ورکولو سبب کيږي د نعمت د شکر له ارکانو څخه يو رکن دا دی چې بنده هغه د الهي طاعاتو په لاره کې خرڅ کړي او هغه په معصيت او حرامو خوندونو کې خرڅ نه کړي .
داسې خلک نن ډير دي چې د الله تعالی د ورکړو نعمتونو څخه د ګناه او سرکشي په لارو کې کار اخلي :
الله سبحانه وتعالی فرمايي : وَضَرَبَ اللّهُ مَثَلاً قَرْيَةً كَانَتْ آمِنَةً مُّطْمَئِنَّةً يَأْتِيهَا رِزْقُهَا رَغَدًا مِّن كُلِّ مَكَانٍ فَكَفَرَتْ بِأَنْعُمِ اللّهِ فَأَذَاقَهَا اللّهُ لِبَاسَ الْجُوعِ وَالْخَوْفِ بِمَا كَانُواْ يَصْنَعُونَ (النحل ۱۱۲ ) .
ای ګناهکاره : ګناه د اولاد د ناشکرۍ سبب هم جوړيږي دا هغه سزا ده چې اصلاً ګناهکار دی ته متوجه نه وي
حسن بصري وايي : کله مو چې د اولاد ناخوښه اعمال تر سترګو شول خپل رب جل جلاله ته مخ کړه ځکه څوک چې د پاچاهانو د پاچا نافرماني کوي اولاد خو به خامخا دده نافرماني کوي .
ای ګناهکاره: ګناه د تنهايي سبب ګرځي آرامي او د زړه سکون د طاعاتو ثمره وي چې د اهل طاعت نصيب کرځي او ډير قيمتي شی دی چې د هغه له کلبه يو انسان کاميابيږي .
آن لاين اسلامې لارښود
