اهتزازڅه شى دى؟

تاسې مسـتقيم يو اړخيز يا يو اړخيز انتقالي حرکت، او دوه اړخيز حرکت چې په هغه کې جســم خپل موقعيــت ته په پرلپســې توگــه تغيير ورکوي،څيړلي دي. همدارنگه دوه اړخيزه د فاصلې ســرعت او تعجيل اړيکه مو د وخت په اړوند زده کړې ده. ســربيره پردې مو دايروي حرکت هم لوســتى دي. اوس په طبعيت پورې د اړوندو ذراتو يو بل حرکت چې اهتزازي حرکت نوميږي، څيړو.

اهتزاز:

هــر کله چې يو جســم تعــادل نقطې دوو اړخونو کې په پرله پســې توگه حرکت وکــړئ، دغه حرکت د اهتزازي حرکت په نوم يادیږي. که چېرې لږ څه ځنډ وکړو. نو وبه وينو چې اهتزاز سوکه سوکه کراریږي او اهتزاز کوونکى جسم خپل لومړنى حالت اختياروي. يعنې د تعادل لومړنى حالت ته گرڅي. څرنگه چــې د فزيــک دغه برخه ډيره پيچلې ده، نو په دې لحاظ د هغوى وضاحت پراخه معلوماتوته اړتيالري.

دغه پراخه معلومات د فزيک د علم اساســي قوانين بيانوي. ددغه هڅو په نتيجه کې کولاى شــو، ډير مختلف اهتزازي سيستمونه له هره حيثه بيان او توضيح کړو. ديو اهتزازي سيستم ژور تحليل موږ دې مرحلي ته رسوي، چې بل هر سيستم په دې ترتيب بيان کړاى شو..