انټرنټ پلټونکی ماشین Browser

Browser

لټوونی يا ویب برَوسر هغه پوستکالی (Program) يا د اپلېکېشن  و يوه بنډل  ته ويل کيږي چي په ذريعه يې انټرنيټي ویب پاڼي ښودل کيږي ، دا پاڼي کېدای سي چي د انځورونو، متنونو ، ويډيوګانو او يا هم  له نورو مالوماتوڅخه برخمني وي  يا په بل عبارت د بروسر لومړنۍ  وظيفه دا ده چي دانټرنیټ و کارن (User) ته انټرنیټي ویب پاڼي ښکاره کړي.

د بېلګي په توګه که څوک و غواړي خبرونه ، برېښناليک او ياهم د فېسبوک (Facebook) ویب پاڼي خلاصي کړي لومړی بايد بروسر پرانيزي او وروسته د اړوندي ویب پاڼي ادرس ورکړي .

د وينډوز په چليزسيستم کي د انټرنیټ ايکسپلورر (Internet Explorer) په نوم لټوونی شتون لري چي د مايکروسافټ کمپنۍ لخوا پکي جوړسوی دئ؛ په دې سربېره نور بروسرونه هم په انټرنیټي ویب پاڼو کي شته چي په اسانۍ سره يې کښته او انسټالولی سئ.

مشهور ویب پلټونکي لاندې دي:

۱)انټرنیټ ايکسپلورر (Internet Explorer):
۲) آپيرا (Opera):
۳)فايرفاکس – موزيلا (FireFox,Mozilla)
۴)سفاري (Safari):
۵)نیټسکپې (Netscape):
۶)ګوګل کروم (Google Chrome):

http://windows.microsoft.com/en-US/internet-explorer/downloads/ie
http://www.opera.com/download/
http://www.mozilla.org/en-US/firefox/new/
http://www.apple.com/safari/
http://services.isp.netscape.com/software/download2.jsp
https://www.google.com/intl/en/chrome/browser/

د بروسر ځانګړني :

اکثره مشهور بروسرونه لاندني ځانګړني په خپل ځان کي لري:
• د Back او Foward تڼۍ : د Back تڼۍ په ذريعه شا پاڼي او د Forward تڼۍ په ذريعه مخپاڼي ته تللی سئ.
• د Refresh يا Reload تڼۍ : د صفحې د تازه کولو لپاره .
• د Stop تڼۍ : کله چي يوه ویب پاڼه د پرانيستو په جريان کي وي، کولای سئ هغه ودروئ.
• د Home تڼۍ :  د دې تڼۍ په ذريعه کارن (User) مخپاڼي ته را ګرځي.
• Address Bar : د بروسر په دې برخه کي کارن (User) د ویب پاڼي ادرس ورکولای سي.

کوښښ وکړئ چي کمپیوټر کي مو اخيرنۍ نسخه انسټال وي .
د نسخې د مالومولو لپاره لازمه ده چي د Help مېنو څخه د About Internet Explorere کمانډ کليک کړئ. (د موزيلا لپاره بيا About Mozillaاو داسي……).
دبېلګي په توګه دلته د انټرنیټ ايکسپلورر د نسخې يو انځور درته ښکاره کوم.

په نړۍ کي ترټولو ډېر کارېدونکی بروسر:

د بروسرونو (لټوونو) مياشتنۍ احصائيه.
احصائیه چي د ۲۰۱۲ م کال د لومړيو شپږو مياشتو لپاره ده، ددې ښودنه کوي چي انټرنیټ ايکسپلورر ، فايرفاکس او کروم (ګوګل) تر ټولو مشهور بروسرونه دي.

Afghan School Textbooks

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب