ابوبکر ځلاند

ښاغلی ابوبکر ځلاند د انجینیر میاګل زوی اصلا د کابل ولایت د کوټۀګی د کلي دی، او د کابل شهرنو سیمې کې په یوې تحصیلکرده او اسلامپاله کورنۍ کې زېږېدلی.

له حبیبیې عالي لېسې څخه فارغ بیا حقوقو پوهنځي کې شامل شو، چې له نېکه مرغه د هر سمسټر په ازموینو کې لومړی راغلی او د ۹۷% نمرو پر بنسټ د پوهنتون ممتاز محصل بلل شوی پس له هغې د خپل لیاقت پواسطه فوق العاده برسیې باندې هندوستان هېواد ته ولاړ، هلته عثمانیې نړېوال پوهنتون کې یې اقتصاد پوهنځی ولوست چې ترې په اعلی درجه (First Division) کې فارغ شو. او د اقتصاد پوهنځي سره سره یې هند کې دوه یو کلن تخصصي کورسونه چې یو یې د شخصیت جوړونې او بشري اړیکو یو کلن تخصص (Human Relations & Personalty Develooement) او بل یې د جرم پېژندنې تخصصي کورس و، ولوستل او ترې فارغ شو.

ځلاند صېب پخوا د محصلانو استازی پاتې شوی او دې سره یې تل مبارزه کړې د ځوانانو ستونزې یې رابرسېره کړي، تلویزیوني رسنیو کې یې د ځوانانو حق غوښتی.

اوس مهال ځلاند صېب د ژبژغورنې ملي غورځنګ عمومي مشر او بنسټ اېښودونکی دی. هېڅ سیاسي حزب پورې اړوند ندی، یو خپلواک، بېپرې، مؤحد او د پراخ آند خاوند دی. ځلاند صاحب د یو دریځ خاوند دی تر دې دمه د هېڅ ډلګۍ یا طرف نه دی نېولی، د سولې او افغاني ورورلۍ غږ یې پورته کړی.