آيا ته هم بېړه کوې؟

د عجلى څخه ځان وساتئ ځکه چې د پښيمانتيا مور ګڼل کيږي. بيړه ناک سړي مخکى له فکر کولو خبرې کوې، مخکى له پوهيدلو ځواب وايې، مخکى له تفکره تصميم نيسي، مخکى له سنجشه پريکړه کوي، مخکى له تجربى ستاينه کوي او مخکى له کره معلوماتو خلک رټي.
که د بيړې يو له دغو خويونو درسره مل شول هرومرو پيښمانى درسره ملګرې ده. که ټول درسره مل شول نو د پښيماني سره د خجالت په خولو کې ډوب ګرځه.
نو ښه به دا وي چي د حوصلې، کرارتيا او زغم خوا ته له ټولو نه پناه يوسي.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قافله، د ۱۳۸۹ كال د اسد مياشت، پرلپسې ۴۳ ګڼه

قاضي محمدحسن اسلامي