ادیبان، لیکوالان، شاعرانافغانستان مشاهیر

 ګل پاچا الفت

Gul Pacha Ulfat

ګل پاچا الفت په کال ۱۹۱۰ کی د لغمان ولایت په خواجه عزیز خان کلی کی زيږیدلی دی . د مکتب او ټولو زده کړی تر فارغیدو وروسته ګل پاچا الفت په کال ۱۹۳۵ کی د انيس ورځپاڼی په دفتر کی د کاتب په حيث مقرر شو. وروسته تر زیاتی مودی ګل پاچا الفت د ژورنالست په حيث و پیژندل شو او څه د پاسه ۳۵ کاله يی د انيس د ورڅپاڼی سره کار وکړ .

ګل پاچا الفت په همدغه ورځپاڼه کی خپل زیات مضامين او مقالی په پښتو او دری ژبه خپری کړی دی . دده مورنی ژبه پښتو وه ليکین په دری ژبه کی يی پوره مهارت درلود او خپلی مقالی يی په دواړه ژبو خپرولی .

ګل پاچا الفت د افغانستان له مهمواو مشهوره عالمانو په جمله کی راځی . کوم وخت چی د ويښ زلمیانو بنسټ په کال ۱۹۴۱ کی په کندهار او کابل کی کيښودل شو ، ګل پاچا الفت د دی اولين سیاسی ګوند په اولين ګام کی ور سره ملګری وو. ويښ زلمیان د افغانستان اولين سیاسی حرکت وو چی هدف يی په افغانستان کی ديموکراسی وه. په ويښ زلمیانو کی د ګل پاچا الفت ملګری عبدالروف بينوا ، فیض محمد انګار ، عبدالاحد عارض ، صديق الله رښتین ، محمد موسی شفيق ، غلام حسن صافی ، عبدالشکور رشاد او نور منور عالمان وه .

په افغانستان کی ددیموکراسی بنسټ د ويښ زلمیانو په وخت کی کیښودل شو چه له هغی جملی نه د افغانستان اولين اساسی قانون په کال ۱۹۶۴ کی د ديموکراسی پر بنسټ امضأ شو او پارلمانی ټاکنی تر سره شوی .

ګل پاچا الفت د افغانستان له نامتو شاعرانو نه وو چه په دواړو رسمی ژبو پښتو اودری يی زيات شعرونه ليکلی او خپاره کړی دی . ګل پاچا الفت دخوشال خان ادبی جايزه او د ابو علی سینا (ابن سینا) علمی جايزه تر لاسه کړی ده . په کال ۱۹۵۱ کی ګل پاچا الفت يوه مجله د »اولس« په نامه خپره کړه . ددی مجلی مسئول مدير او د امتیاز خاوند تر ۱۹۵۳ پوری ګل پاچا الفت پخپله وو .

ګل پاچا الفت ۲۵ کتابونه او تر شمیر وتلی شعرونه لیکلی دی . ده په خپلو شعرونو کی تل د افغان ولس لپاره دیموکراسی او د مطبوعاتو او بیان ازادی غوښتی ده .

ګل پاچا الفت په ۱۹ دسامبر ۱۹۷۷ له دی دنیا نه د همیشه لپاره سترګی پټی کړی . جنازه یی د خپل زيږید نی په ځای خواجه عزیز خان کلی کی خاوره ته وسپارل شو .

ټول افغانستان څخه مننه

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: