څیړنه:ماشوم ته تی ورکول نه یوازې دا چې ماشوم ته ګټه لري مور هم د شکرې له ناروغۍ څخه ژغوري

په امریکا کې د یوې نوې شوې څیړنې له مخې ویل شوي چې ماشوم ته تر شپږ میاشتو زیاته موده تی ورکول میندې د شکر ناروغۍ څخه ساتي.

پوهانو ددغو معلوماتو ترلاسه کولو لپاره دېرش کاله څیړنې وکړې.

په څیړنه کې ویل شوي هغه میندې چې خپلو ماشومانو ته له ۶ تر ۱۲ میاشتو پورې خپلې طبیعي شیدې ورکوي، په دوی کې د شکر کچه ۴۷ سلنه راکمیږي، د هغو میندو په پرتله کومې چې خپلو ماشومانو ته چمتو شوي خواړه ورکوي، او په هغو ښځو کې چې تر شپږو میاشتو ماشومانو ته شیدې ورکړي ۲۵ سلنه د شکر ناروغۍ کمیږي.

ددغې څیړنې -چې په جاما طبي مجله کې خپره شوې- پوهان وایي چې طبیعي شیدې یوازې د ماشوم لپاره روغتیایي ګټې نه لري بلکې د میندو لپاره هم یو شمېر ځانګړې روغتیایي ګټې لري.

د امریکا مشهورې څیړونکې ډاکټره ایریکا ګونډرسن ویلي: موږ د څیړنې پر مهال چې په ۱۲۳۸ هغو میرمنو ترسره شوه چې له ۱۸ څخه تر ۳۰ کالو عمر لرونکې وې، د طبیعي تي ورکولو د مودې او د شکر ناروغۍ د خطر کمېدو ترمنځ قوي اړیکه وموندله.

له دې وړاندې یوې بلې څیړنې ثابته کړې وه چې هغه میندې کومې چې په طبیعي ډول ماشومانو ته تی ورکوي د تیو او رحم د سرطان مخه یې نیول کیږي.

Afghan School Textbooks

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe



ترنم یوتیوب چینل

نوې ویدیو هره ورځ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب