حکمونو او مسایلو پوښتنې

په مشكوكو ادارو كې كار كول

پوښتنه:

آيا په  هغو  شركتو او انجوګانو كې كار صحيح  دى چې غلاوې  كوي او راپور يې په تاسو باندې ليكي يعني كولاى  سو په داسې دفتر  كې  كار وكړو چې  غلاوي  كوي  او بيا  د غلا راپور  په ما ليكي  يعني  راپور  كې غلط  معلومات  وركوي  البته  ټول  معلومات  غلط  نه وي.
دوهم :
په افغانستان  كې  په نوي بانكو كې   كار روا دى  البته  چې  بعضو يې اسلامي  نومان  هم وركړي دي خو په حقيقت كې اسلامي نه وي.
دريم:
په يو داسې  شركت  كار روا دى  چې خلكو ته نټ لائن وركوي ( انټرنټ اسانتيا) خو د دې  سره په څنګ كې د كيبل  لائن هم وركوي  چې  البته  د كيبل فيصدي يې ډيره كمه  ده چې  دا  اوس  هم زه په يو داسې  شركت كې  كار كوم .
هيله ده  چې  ځواب  يې زر  راته راكړئ.
يادونه : كه چيرې تاسې  د يو داسې عالم د تيلفون  شميره  را ته  راكړئ  چې په راتونكي كې  ورسره  د نورو  معلوماتو  په  هكله ورسره  تماس  ونيسو مننه به مو وي.

ځواب: 

 اول ځواب :
وعليكم السلام
وروره !  صدق او ريښتين ولي  د مسلمان  اصلي صفت دى  فريب او دوكه له مومن سره نه ښايي  او دروغ د ايمان زوال دى (يا نبي الله ، هل يكذب المؤمن ؟ قال : « لا »)(مساوئ الاخلاق للخرائطي ج۱ص۱۳۷) پدي حديث كې  د نبي  عليه السلام څخه  پوښتنې شوي دي ډير ګناهونه ياد شوي چې  له مومن نه  شوني دي  ولې  د دې په پوښتنې په ځواب كې چې ايا مومن دروغ وايي ؟  نو ځواب بالكل منفي دى  او په زغرده  د (نه ) په  ځواب يې  ځواب وركړى او زمونږ مشران چې كوم ضرب المثل لري ( دروغ د ايمان زوال دى) شايد د دې حديث په استناد وي  نو زما په اند  د بل  چا د دنيا لپاره  خپل آخرت  ته زيان رسول ندي په كار  الله تعالى  ډير غيرتي دى  كيداى شي  چې ته  د دې دروغو په پريښودو  تا د ښي وظيفې خاوند كړي.

دوهم ځواب:
د بانكونو په اړه بايد درته ووايم چې  ښه  تحقيق پرې وكړه  چې كه رښتيا  هم اسلامي  پروګرام لري او د سود  په ضد  كاركوي  نو نصرت يې په كار دى  او كه داسې صورت حال وي  چې د اسلام د مبارك نوم  ګټه پورته كوي او خلكو دوكه او فريب  وركوي  نو پدې حال كې  د هغوى  فريب ښكاره  او  خلك پري وپوهوي.

درېيم ځواب:
 د نټ  شركت په اړه  چې  څه فيصدي كيبل هم  توزيع كوي  بايد ووايم چې  د هغه حديث  په بنا چې د حلال او حرام په اړه  چې ( الحلال بين والحرام …) حلال  او حرام څرګند دي   ګورو چې  كه دغه شركت د فحشاء ، بي بندوبارۍ  چينلونه  خپروي او كه د ايمان په  وجه خپل ملت ته هغه چينلونه چې خبري يا مفيد  وي انتخابوي او تاسې  هم پدې مورد كې  رغنده رول لوبولى  شئ  بيا پكې كار كول  څه باك نه لري  او كه ستا رول هم پكې كمزوى وي او هغه  هم  غواړي فساد خپور كړي  بيا ترې  ليري كيدل  او مخې يې ډب كول ضروري دي. او د دغه حديث په پاى كې  دا لارښوونه ده چې  له  مشتبهو  ( كارونو او ځايونو) څخه ځان ژغورئ ، ځكه پدې كار سره دين  او ايمان ساتل كيږي.

مولوي محمد امان رسولي
والله اعلم

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: