ناروغي او وقایه څپرکي لنډيز

مېکروب (Microbe): کوچني ذره بيني موجودات دي چې بې له مايکروسکوپ څخه نه ليدل کېږي. بکتريا پروتستا ويروسونه او ځينې فنجي د ميکروبونو له ډلې څخه دي.

توکسين (Toxin) زهري مواد دي چې د بکتريا په وسيله توليدیږي، د خوراکي توکو او د مسموميت او د انسان د ناروغۍ سبب کېږي. متناسب خواړه هغه خواړه دي چې په جوړښت کې يې د انسان د بدن د اړتيا وړ توکي موجود وي. يا په ساده ډول يوه بشپړه يا متناسبه غذا هغه غذا ده چې پروټين، کاربوهايدريت، شحم، اوبه، ويټامينونه او منرالونه ولري.