مېږی؛ د مېږیانو په اړه نادر معلومات
داچې زمونږ ټولنه په هیڅ حال له مېږیانو څخه خالي نه ده . نو آیا مونږ څومره دهغو په اړه معلومات لرو؟ راځئ چې په دې لیکنه کې یې ولولو .
د مېږیانو شکل
- د مېږیانو شکل له دوه ملي میتر څخه تر ۲۵ ملي متر پوري رسیږي.
- د مېږیانو سرونه دهغو د بدنونو سره په پرتله کولو سره ډېر زیات غټ وي.
- نس یې د هګۍ په شکل خو بغلونه یې زیات نري او باریک وي.
- د مخ لورته دوه نېښونه غوندي شیان لري ، چې پرې چیچل کوي ؛ زیات درانه شیان ورباندي پورته کوي ؛ غارونه پرې کیندي او د شیانو په ژوولو کې ترې کار اخلي.
د مېږي سر
- د مېږي سر پر دماغ مشتمل وي ، چې په مټ سره یې هغه کولی شي ، د یو شي په باب فکر وکړي او پر داسي سترګو مشتمل وي چې په هغه سره لیدل کولی شي.
خو د مېږي دید بې انتهاء کمزوری وي ، ځکه چې د مېږي اکثره وخت تر خاورو لاندي په تیاره کې تېريږي ، چې د سترګو په نظر باندي خورا منفي اغیز کوي .
د مېږي اثر پر ټولنه
- مېږی حشرات خوري
- دی خپله د نورو حشراتو لپاره مهم خوراک دی
- خاوري سره اړوي ، چې په هغه کې بیا هوا داخلیږي
- د ګلونو بېخونه اکثر اړوي چې پر ګل یې ښه مثبت اثر لویږي
د مېږیانو واده
- د مېږیانو پر واده کولو باندي یوازي دهغو ښځينه پاچا قدرت لري او دغه پاچا د نورو مېږیانو په پرتله زیات غټ وزرونه لري او کله نا کله دغه پاچا خپله هم د نورو وزر داره مېږیانو سره واده کوي.
د مېږیانو هګۍ
- ښځینه مېږیاني هګۍ هم اچوي ، چې د یوې د هګیو شمېر ملیونونو ته رسیږي.
بیا الله تعالی دغو مېږیانو ته دا توان ورپه برخه کوي ، چې دغه خپلي هګۍ له هر ډول وایروس او جراثیم څخه خوندي وساتي ، تر څوهیڅ مکروه شی ورته ونه رسیږي .
د مېږیانو پښې
- د مېږیانو پښې پر بې شمېرو وړو وړو ورېښتانو مشتملي وي ، چې هغه له هر ډول ضرر څخه خوندي ساتي.
میږیان ټولي شپږ پښې لري ، چې په مټ یې تلل هم کوي ، بدن پرې صفا کوي او د خپلي غذاء تنسیق او تنظیم پرې کوي .
د مېږي خوله
- مېږی خوراک د خوړلو سره سم یو سائل او مائع شکل ته تبدیلوي. په خوله کې یې داسي څه شته چې کلک شیان د هاضمې ځای ته له تللو څخه منع کوي ، تر داسي چې دغه کلک شیان یې په خوله کې تر یوې مودې پوري پراته وي
د مېږي قوت
- مېږي د دومره وزني شیانو پر پورته کولو باندي قدرت لري ، چې خپله د مېږي له وزن څخه شل کرته زیات دروند وي.
تر ټولو اوږد عمره مېږی
- د ځمکي پر سر تر ټولو اوږد عمره مېږی په ۱۹۹۸م کال کې په امریکا کې په یو غار کې وموندل شو، چې عمر یې تقریبا ۹۲ ملیونه کاله و او د ډاینوسور له زمانې څخه یې ژوند کاوه.
