له خوبه ناوخته پاڅېدل مو عمر لنډوي

د شپې لخوا د ناوخته بيده کېدو ډېر لاملونه کیدی شي، خو اکثر خلک د ورځیني کارونو پوره کولو لپاره د شپې ناوخته ویخ پاتې شي، خو باید خبر اوسئ چې د شپې لخوا ناوخته بیده کېدل او د ورځې ناوخته پاڅېدل به مو ژوند له خطر سره مخ کړي.

د بیولوژي علماو د انګلستان په سوری Surrey پوهنتون کې د یوې څيړنې له مخې ویلي، هر هغه څوک چې د شپې لخوا تر ناوخته ویخ پاتې کیږي، پر سګریټو څکولو روږدي وي، ډېره ډوډۍ خوري، خپه وي او یا هم د مخدره موادو څخه ناوړه ګټه پورته کوي او د ډوډۍ په استعمال کې ناسم خواړه خوري.

په نړیوال ژورنال Chronobiology International کې د یوې خپرې شوې مطالعې په ترڅ کې ویل شوي چې هغه کسان کوم چې ناوخته راپاڅیږي نسبت نورمال کسانو ته ۳۰ سلنه د شکر ناروغۍ، ۲۲ سلنه د تنفس ستونزې او ۹۴ سلنه رواني ناروغي ورته پیدا کیږي.

په دغه مطالعه کې ویل شوي چې څیړونکو د ژوند ژغورلو په اړه بحث کولو کې وموندله چې له وخت وړاندې مړینې بنیادي لامل د شپې لخوا د خوب څخه محرومیت دی.

د عربي ۲۱ ورځپاڼې راپور وایي چې په ۲۰۱۲م کال کې د امریکې په یوه پوهنتون کې هغه وخت یوه څیړنه ترسره شوې وه کله چې دغه هېواد یو ساعت وخت وړاندې کړی و، دغه مهال هغه ناروغان چې د زړه حملې پرې راغلې وې د خپلو وختونو د ګډوډیدو له امله ۱۰ سلنه زیات شوي وو.

خو، د ښه ژوند تېرولو لپاره په کار دي چې مونږ پخپل ورځیني کارونو کې ژور بدلون راولو، قرباني ورکړو او اضافي کوښښ وکړو، که چیرې د شپې لخوا ناوخته بیده کیږو او د ورځې ناوخته راپاڅیږو لومړی باید دغه ناوړه عادت ورک کړو، ځکه چې دغه عادت مو عمر لنډوي او هیڅوک نه غواړي عمر یې لنډ شي.

داکتره راضیه اتل

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب