بیولوژي

عضوي مرکبونه

پخوا مو ولوستل چې د حجرو په کيمياوي جوړښت کې عضوي او غيرعضوي مرکبات شامل دي. قندونه، پروټينونه او غوړي (شحمونه) د حجرو د عضوي مرکباتو له ډلې څخه دي

. هغه توکي، چې د حجرو په حياتي تعاملونو کې انرژي توليدوي، له غذايي موادو څخه عبارت دي. ډېر مهم خوراکي توکي چې مېتابولېزم (ترميم او تخريب) کې زيات ارزښت لري، په درې ډلو؛ لکه: قندونو، پروټينونو او غوړيو (شحمونو) ويشل شوي دي.

ياد شوي توکي د اکسېجن په موجوديت کې احتراق کوي، يعنې د نوموړي توکي د اکسېجن په شتون کې سوځي چې دا عمليه د اکسېدېشن په نامه يادیږي چې وروستی حاصل يې بېکاره توکي او توليد شوې انرژي ده. حاصله شوې انرژي، چې د خوراکي توکو د سوځېدلو څخه منځ ته راځي، د حجرو د حياتي فعاليتونو لپاره مصرفېږي.

په دې څپرکي کې به تاسو د عضوي توکو جوړښت او دندې ولولئ او وبه توانېږئ چې د عضوي توکو؛ لکه: قندونو، پروټينونو او شحمو شتون په خوړو کې تثبيت کړئ او همدارنګه به د مېتابولېزم په عمليه کې د عضوي مرکباتو په رول باندې پوه شئ.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: