اوبه، چای او څښاکروژهروغتیايي لارښوونې

روژه کې تنده څنګه کنټرول کړو؟

معمولاً د روژې په مبارکه میاشت کې د تندې په پرتله د لوږې زغمل آسانه وي، مګر له تندې څخه د خوندي پاتې کېدو له پاره هم د حل لارې چارې شتون لري، له هغه ځایه چې اوبه زموږ د بدن اویا سلنه برخه تشکیلوي، نو نه شو کولای، چې له ارزښت څخه یې سترګې پټې کړو، کابو هره کړنه، چې په بدن کې ترسره کېږي، نو د اوبو په مرسته ترسره کېږي : د اضافي موادو له لرې کېدو څخه نیولې د خوړو په هضم کې تر مرستې پورې، د پوټکي روغ ساتل او د بدن ټولو برخو ته د خوړنیزو توکو لېږد را لېږد .

که چېرې ونه شئ کولای، چې د خولو له لارې له لاسه تللي مغذي او معدني مواد بېرته تر لاسه کړئ، نو د دې بهیر دوام به د روژې د مبارکې میاشتې په پای کې ستاسو د بدن کمزورتیا سبب شي، حتی د بدن د لږو اوبو له لاسه ورکول هم کولای شي، د ستړیا، سر خوږي، سر ګرځاني او د تمرکز د نه شتون سبب شي . د دې موادو پوره کېدل شوني نه دي، مګر د روژه ماتي او پېشلمي په سم او اصولي خوړنیز عادت سره .

څو ټکي :

۱ ـــ د بدن د اوبو د سخت کمښت د مخنیوي له پاره، یوازې د اړتیا په صورت کې له کوره بهر شئ او بدني کړنې او فعالیتونه را کم کړئ .

۲ ـــ له روژه ماتې څخه وروسته د یوه ساعت په واټن سره اته ( ۸ ) ګیلاسه سړې اوبه او مایعات ورو د خوب تر وخته وڅکئ او پام مو وي، چې د پېشلمي پرمهال د ډېرو اوبو څکل د تندي په مخنیوي کې کومه اغېزه نه لري، ځکه له بریده ډېرو اوبو په څکلو سره، بدن اضافي اوبه دفع کوي، نو د بدن د اړتیا وړ اوبه باید د روژه ماتي او پېشلمي ترمنځ په واټن کې په تدریج سره د اوبو او جوسو د مصرف له لارې پوره شي .

۳ ـــ ځینې خوړنیز توکي او خواږه مواد، چې تنده ډېروي، باید کمه ګټه ترې واخیستل شي .

۴ ـــ د زردالو او هندواڼې له میوو څخه ګټه واخلئ، ځکه چې دا مېوې د معدې له تېزابو څخه را ولاړ شویو دردونو په کمښت کې ډېره زیاته مرسته کوي او تر یوه بریده د خولو له لارې د له لاسه تللو معدني موادو او مایعاتو په جبران کې هم  مرسته کوي .

۵ ـــ د جوسو د څکلو او د سبزیجاتو او مېوو د خوړلو له لارې د له لاسه تللو مغذي موادو پوره کول، ډېر ګټور دي . سر بېره پر اوبو او اړینو موادو لکه کلسیم، فایبر، اوسپنه، پوتاشیم او نور معدني مواد او دغه راز بي یو، سي، او بي دوه ویټامینونه هم پوره کړئ .

اوبه لرونکې مېوې لکه : هندواڼه او خټکی هم د بدن د مایعاتو په پوره کولو کې مهم رول لري او سپارښتنه کېږي، چې د روژه ماتي او پېشلمي ترمنځ په واټن کې یې مصرف کړئ  او بله دا چې تریو لېمو هم د تندې په له منځه وړلو کې اغېزمن رول لري .

۶ ـــ چای په ځانګړې توګه ټینګ چای له پېشلمي وروسته د تندې د له منځه وړلو له پاره ښه نه دی، غوره ده، چې نری چای وڅکئ .

ژباړه : عطا محمد میاخېل

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: