روژه ماتي کې ډېرې سړې اوبه څښل
د قطر د لومړنيو طبي خدماتو موسسې په خپلې يوې تازه خپرونې کې ويلي، چې ټوله ورځ تندې سره دې ماښام ناڅاپه ډېرې سړې اوبه ونه څښل شي. دا ځکه چې د معدې د عضلاتو د انقباض له امله د خېټې سخت دردونه پيدا کېدلای شي. روژهماتی دې له خرما او نسبتا يخو اوبو سره وکړای شي. بيا دې لمونځ وشي او له هغې وروسته دې سپکه صحي غذاء وخوړل شي. لکه خپل عام خوراک سره دې نرۍ شوروا وڅښل شي.
بازاري رنګ لرونکي او کيميايي مواد لرونکو شربتونو څخه دې ډډه وشي. که ممکنه وي، تازه مېوه او سابه دې ډېر وکارول شي.
اذان انلاین څخه په مننې
