اسلامي سیاست او دولتکاري ژوند او مدیریت

رهبری او سیاست ستر توپیر

پدې وروستیو کې مسلمان ولسونه د دولتونو پر وړاندې دریږي چې پدې پړاو کې داسې رهبرۍ ته جدي اړتیا لري چې چارې یې په سمه توګه رهبري کړي. اسلامی نړۍ په ټولیزه توګه د داسې مشرتابه په لټون کې ده چې د هغوی ژبه وګرځي، غوښتنې یې څرګندې کړي او د سیاسي ګوندو پر ځای د اسلام استازیتوب وکړي.

لیکوال: نثار یوسف
ژباړن: نثاراحمد اسلام مل
رسالت فرهنگي‌انجمن

زما په اند د ښه مشرتابه ځینې صفات په لاندې ډول کیدای شي:
په اسلام کې رهبري امتیاز نه، بلکې مسوولیت دی. روښانه او له فساد څخه سپېڅلې کړنه ده. د قرآن او سنتو د پلي کولو لار ده، نه دا چې د توکم پالنې په توګه ترې کار واخیستل شي. مشر ته ښايي چې خلک په کار واچوي او د امت د عمومي ګټو په لار کې هڅه وکړي، نه دا چې خلک د خپلو ګټو په لاس ته راوړلو کې وګماري. حتی تر ټولو لوړ مقام چې د خلیفه دی، هم له قضايي مسوولیت یا حساب ورکولو څخه معاف ندی. له عمر بن الخطاب رضی الله عنه څخه په عمومي غونډه کې د یوه عادي کس لخوا د اوږدو جامو په اړه پوښتنه کیږي. کله چې علی رضی الله عنه د خلافت پر مهال، محکمې ته د تورې د غلا کېدو په هکله عریضه وکړه نو قاضی ترې نه د شاهد غوښتنه وکړه.

کله هم چې د رهبرۍ کلمه په ژبه راوړو، باید هیر نکړو چې له دې مقام څخه د وګړو لپاره د ډیرو ښو فیصلو انتظار هم کیږي. د بیلګې په توګه کله چې یوسف علیه السلام په مصر کې د کرنې د وزیر په توګه دنده واخیسته نو ثابته ېې کړه چې د هغه تصامیم د اوږمهاله وچ کالۍ لپاره ګټور وو. د سلیمان علیه السلام پاچاهي بلکل بې جوړې وه، هغه کله هم پرېنښودل چې هوسا کوونکي نعمتونه یې د عبادت په لار کې خنډ شي. داود علیه السلام هم پاچا وو او هم ېې د جګړې په ډګر کې برخه اخیستله.

او همدا راز لکه څنګه چې ټول پوهیږي هیڅ کله راحت طلبه ژوند غوره نکړ او له دې سره سره چې د ټولو مسلمانانو مشر وه، قصر، تخت او تاج یې نه لرل. هغه یو ډیر عادي بادشاه وو.
ابوبکر صدیق رضی الله عنه د خلافت د مقام منلو ته تیار نه وو، او غوښتل ېې عمر رضی الله عنه دې مقام ته عمر (رض) غوره کړي. له عمر رضي الله عنه سره آن د مرګ په بستر کې هم د خلکو غم وو: کله چې هغه رضی الله عنه د ژور ټپ، سخت درد زغمه نو یو ځوان یې لیدو ته راغی، په همدې حال کې یې هم خپل مسوولیت هیر نکړ او ځوان ته چې پایڅې یې ټېټې وې، د هغه د سمولو لارښوونه وکړه، زوی ته یې وویل چې د ده پورونه ادا کړي. خلکو ته یې وصیت وکړ چې باید د ده زوی خلیفه نه ټاکي. هغه وېرېده چې د الله په وړاندې د د بیت المال حساب ورکول ډیر ستونزمن دي.

خو راځو سیاست ته، سیاست بیا لږ توپیر لري. نن خلک سیاست د ټولنې د تر ټولو فاسدې برخې په توګه پيژني او هره ناخواله لکه د بیو لوړېدل، جنګ جګړې، د ماشومانو او ښځو اخلاقي فساد، د جرمونو زیاتېدل او داسې نور ټول د سیاست ډالۍ ګڼي. نن سیاست د حکومتونو د پرځولو، د نورو ملکونو په ځمکنۍ بشپړتیا تیری او نورو ملکونو باندې د جګړو تپل کڼل کیږي. ځکه نو زما په اند اړینه ده چې «د اسلامي ادارې اصول» د فقهې په توګه په اسلامي روزنیز نظام کې شامل کړای شي. دا به یوازینۍ لار وي چې راتلونکی نسل د اسلامي سیاست او رهبرۍ په اصولو پوه کړو.

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: