کمپيوتر

د Excel پروګرام د څه لپاره ؟

د Excel پروګرام د څه لپاره ؟

یوسفزی

اکسیل داعدادو لپاره یو تجزیه وي او محاسبوي پروګرام  دی ، چي ترډېره نن ورځ په سوداګریزو دفترونو کي ورڅخه کال اخیستل کېږي ، دایکسیل آسانتوب هر چاته ددې اختیار ورپه برخه کوي چي ددې پروګرام په کارولو سره خپل په چارو کي ورڅخه بشپړه ګټه واخلي.

داکسیل پروګرام ځانګړي خصوصیات په دوو برخو ویشل شوي:

۱:- داکسیل څخه دیوه محاسبوي پروګرام په څېر کاراخیستنه:

په دې برخه کي ، دبېلابیلو کمانډونو او توابعو (Functions) په کاروني سره ، کولای شئ چي یو لړ ارامو باندي دریاضي څلور عملیې (جمع ، منفي، ضرب او تقسیم )  اجراء کړئ ، په دې سربېره تاسو کولای شئ ، نوري  پېچلي ریاضيکي او مثلثاتي سوالونه پکي حل کړئ.

نوموړې برخه ډېره ساده او آسانه ده ، چي هر څوک کولای شي دلږ زده کړو وروسته ورڅخه کار واخلي ، تاسو به لږوړاندي په دې هکله بېلابیل مثالونه ووینئ.

۲:- داکسیل پروګرام څخه دیوه توکبنسټ (Database)  په څېر کاراخیستنه:

اکسیل کي دتوکبنسټ جوړول یو څه مشکل کار ښکاري ، هغه په دې چي دتوکبنسټ د جوړولو لپاره بعضي چاري باید دپروګرام لیکلو په صفحه کي ترسره سي ، چي اکسیل هم ځان ته د ویژول بیسک دپروګرام لیکلو یوه برخه لري ، چي باید ټول د کوډونو په وسیله مشخصات او شرطونه ورته کېښودل سي.

کومي چاري چي دیوه توکبنسټ په وسیله جوړ شوي وي ، کارونه یې ډېره آسانه او همدا ډول ټول مواد یې په ښکلي بڼه منظم سوي وي.

ددې لپاره چي ډېر غټ او پېچلی توکبنسټ جوړ کړئ ، باید ددې لاندي پروګرامونو څخه کار واخلئ ، ځکه په اکسیل کي ډېر پېچلي توکبنسټونه (Databases) نه جوړېږي.

د پروګرامونو بېلګه :

1:- MS Access

2:- SQL

3:- MySQL

4:- DB2

5:- Oracle

او داسي نور …

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: