![د ښځو د لمانځه ځانګړتياوې - د ماشومانو لپاره اسلامي لارښود 1 2H 15650](https://wasiweb.com/wp-content/uploads/2019/05/2H-15650.jpeg)
د ښځو د لمانځه ځانګړتياوې – د ماشومانو لپاره اسلامي لارښود
د ښځو لمونځ هم د نارينه وو په شان دی، یوازې په لاندېنيو ټکو کې توپير (فرق) لري:
- د لمانځه په پيل کې د (الله اکبر) په ويلو سره لاسونه د اوږو سره موازي وي. (شکل: ۱)
- د فاتحې او بلې سورې د ويلو په وخت کې لاسونه په ټټر (سينه) ايږدي. (شکل: ۲)
- په رکوع کې دومره ټېټېږي چې لاسونه يې ګونډې ته رسي. (شکل: ۳)
- په سجده کې ورنونه او مټې (بازو) په څنګونو (بغل) نښلوي او څنګل (آرنج) او ليچي (ساعد) په ځمکه نښلوي او پښې څملوي چې د پښو ګوتې يې سره نښلي.
-
د تشهد او درود (قعدې) د لوستلو په وخت کې دواړه پښې ښۍ خوا ته ايستل کېږي او داسې بايد کېني چې ښی ورون په کيڼ (چپ) ورون او ښی لينګی (ساق) په کيڼ (چپ) لينګي راشي.
-
ښځه بايد په هر لمانځه کې ورو تلاوت وکړي، د ښځو په جماعت کې که ښځه امامه وي نو بايد د ښځو په مينځ کې ودرېږي، نه له هغوی څخه وړاندې.