حقایق او جالب معلوماتد نړۍ هیوادونه

د نړۍ حقایق په نقشه کې۱

د خپلې نړۍ په اړه لانديني په زړه پورې حقایق ولولئ، بیا د نړئ په نقشه کښې د هر حقیقت اړوند ځای پیدا کړئ او د حقیقت شمېره پر هماغه ځای ولیکئ.

  1. آیا پوهېدی چې د آمازون باراني ځنګل د نړۍ ۲۰ سلنه آکسیجن تولیدوي؟ د آمازون باراني ځنګل سیند د نورې نړۍ له اتو (۸) لویو سیندونو څخه ډېرې اوبه لري.
  2. انټرکټیکا زمونږ په سیاره کې یوازینۍ د ځمکې ټوټه ده، چې د هېڅ هېواد تر ولکې لاندې نه ده. د دغه ځای یخ د ټولې نړۍ ۷۰ سلنه تازه (د څښاک وړ خوږې) اوبه جوړوي.
  3. کاناډا جهیلونه د ټولې نړۍ له جهیلونو څخه ډېر دي. آیا پوهېدی چې کاناډا هندي لغت دی او معنی یی “لوی کلی” ده؟
  4. د سوریې دمشق ښار تر ټولو زوړ ښار دی، چې په دوامداره توګه تر اوسه اباد دی.
  5. د ترکيې استانبول ښار د نړۍ یوازینی ښار دی، چې په دوو لویو وچو (براعظمونو) کې موقعیت لري.
  6. په ۱۹۳۰ لسیزه کې د جیز موسیقۍ هنرمندان ښار په ښار ګرځېدل. هغوی په عامه ژبه کې هر ښارګوټي او ښار ته د “مڼې” اصطلاح کاروله. له دې کبله د نیویارک ایالت نیویارک ښار په “لويه مڼه” یادېده.
  7. پیټکئین جزیره ترټولو کوچنۍ جزیره ده، چې یو هېواد ده او مساحت یې له ۲ مربع میلو څخه لږ دی.
  8. هغه ښار چې تر ټولو د مخه يې د وګړو شمېر یو میلیون ته ورسېد، د ایټالیا روم ښار و. هغه دغه شمېر ته د میلاد څخه ۱۳۳ کاله پخوا ورسېد.
  9. د سهارا دښتې ځینې برخې تر لسو کالو پورې د باران له څاڅکو څخه بې برخې پاتې کېدای شي.
  10. د نړۍ تر ټولو لوړ آبشار، د وینزویلا اینجل آبشار دی، چې له نایاګرا ابشار څخه ۱۵ ځله لوړ دی.

 

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: