![د نفس د اصلاح کولو څلور طریقې 1 2H 11322](https://wasiweb.com/wp-content/uploads/2019/03/2H-11322.jpg)
د نفس د اصلاح کولو څلور طریقې
د نفس د اصلاح کولو لپاره دا لاندي څلور طریقې عملي کړۍ
۱: مشارطه:
یعني د خپل نفس سره شرط لګول چې«ګناه» نه کوم، هر سهار د د نفس سره شرط کېښودل شي چې نن به ټوله ورځ ګناه نه کوم.
۲:مراقبه:
د ځان سره فکر کول چې آیا ګناه خو به مې نه وي کړې؟ ټوله ورځ د ځان نګراني کول چې چیرته ګناه راڅخه ونه شي او پر هر قدم باید محتاط اوسي.
۳: محاسبه:
د ځان سره حساب کول چې څونه ګناهونه مې کړې دي او څومره نېکیانې مې کړې دي. ماخستن له پرېوتلو مخکې د ټولې ورځې نظر اخیستل چې کوم او کوم کارونه مې د ګناه او غلط وکړل او کوم کارونه مې د ثواب او نیکۍ وکړل.
۴: مواخذه:
نفس چې د ورځې کوم ګناهونه کړي وي، پر هغو باندې سزا ورکول. دا رنګه چې د عبادت بوج پرې واچوئ څه چې مو کړي وي پر هغو باندې پر خپلو کړو باندې د پښېمانتیا تر څنګ استغفار ووایاست او پر ښو کارونو باندې د الله تعالی شکر ادا کړئ او د بیا بیا کولو توفیق ترې طلب کړئ.
الله دي موږ د ګناهونو له نجاست څخه وساتي.