ځوانانسیاست او دولت

د نظام په ملاتړ کې د ځوانانو ونډه!

موږ ته بهتره معلومه ده چې ځوانان د هېواد په سر نوشت کې پوره او اړینه ونډه لري ځکه چې ځوانانو کې د کار او د زده کړو د دوام انرژي ډېره وي که ځوانان وغواړي ډېر کار کولی شي او د ځوانانو په قوت سره نظامونه پیاوړي کېږي ، کله چې ځوانان په خپلو وړتیاو باور ولري بیا پوهېږي چې دوی د هېواد په جوړښت کې څومره مهم دي ، د اکثرو هېوادونو ځوانان چې کله خپلې لوړې زده کړې بشپړه کړي نو د هېواد د پرمختګ د پاره فکر کوي چې دوی داسې کومه نوې اختراح وکړي چې د هېواد نوم يې وځلېږي ؟

همداسې زموږ په هېواد کې هم ځوانان شته چې ملي انګېزه ورسره ده او هڅه کوي چې د خپل هېواد د پرمختګ د پار کار وکړي ، خو موږ داسې ځوانان هم لرو ددې تر څنګ چې د هېواد په وړاندې خپل مسوولیتونه نه پېژني تل فکر کوي چې داسې څه وکړي تر څو نورو هېوادونو ته لار وموندي او هلته ژوند وکړي ؟او یا هم د هېواد دښمنانان د همدې ځوانانو له فکر او احساساتو څخه په استفادې د ځان په ګټه يې کاروي او ددې وطن د بربادۍ په موخه يې استفاده کوي، حتی دې حد ته يې ورسوي چې ټوپک را اخلي او خپل وطن ورانوي او خپل وطنوال شهیدانوي .

پخوا د ځوانانو د پاره د کار زمینه نه وه برابره چې په حقیقت سره دا ځوانان ناهیلي وه ، سره له دې چې په حکومت کې ډېر تش بستونه وه ،خو د ملي یووالي حکومت په راتګ سره سم د هېواد په ټولو دولتي ادارو کې د تشو بستونو پلټنې پیل شوې چې دې سره زرګونه تش بستونه وموندل شول ددې لپاره چې ټول ځوانان له خپلو حقونو برخمن شي زموږ ګران ولسمشر محمد اشرف غني د اداري اصلاحاتو په نوم اداره را منځته کړله چې ددې ادارې د لارې د ټولو دولتي ادارو بستونه اعلان ته کېښودل کېږي او ددې د لارې مستحقو ځوانانو ته د کار زمینه برابره کېږي چې په دې پروسه کې هيڅوک مداخله نشي کولی .

همدا اوس موږ ګورو په اکثرو ادارو کې حتی ریاستونه وزارتونه ولایتونه د ځوانانو له خوا اداره کېږي دا ټول ددې په معنی ده چې حکومت مو د ځوانانو په وړتیاو باورمند دي او ددوی قوت ته درناوی لري .
ځوانان باید خپل دوست او دښمن وپېژني ځکه دلته د سیمې استخبارات شته چې د ځوانانو څخه په استفادې غواړي خپلو موخو ته ورسېږي ،دا ځوانان باید د خپلو سیاسونو او مشرانو تر منځ تفکيک وکولی شي.
دوهم دا چې پارلماني ټاکنې چې دهېواد د پاره یو حیاتي ارزښت لري ، او د ځوانانو پر مټ پرمخ ځي دلته باید ځوانان ملي فکر ولري او له خپلې انرژۍ څخه په سمه توګه کار واخلي دټاکنو په شفافیت کې د دولت همکار واوسي او هغه څوک د خپل استازي وټآکې کوم چې د هېواد د پاره ملي فکر ولري نه دا چې د نورو هېوادونو د پاره کار وکړي ځکه چې موږ په خپلو سیاسونو کې داسې اشخاص ډېر لرو چې د ځوانانو په مټ يې ځانونه د پارلمان تر چوکۍ رسولي خو کار د افغانستان د خلکو د بې اتفاقۍ د پاره کوي .

دوهم د سولې خبرې دي چې په دې وروستیو کې د سولې خبرې په ډېرې چټکۍ سره روانې دي مشران مو په دې هڅه کې دي چې د افغانستان خلکو ته یوه تلپاتې سوله راولي نو ځوانان هم مسوولیت لري چې ددې پروسې ملاتړ وکړي لکه څنګه چې موږ ګورو د مخالفینو په لیکو کې اکثره ځوانان جنګېږي ، ځکه چې زموږ بې رحمه دښمن ددې ځوان فکر او ذهن دومره اړلی چې حد نلري ددې ځوان فکر يې داسې میکروبي کړی چې وسله يې په لاس ورکړې او د خپل نظام په وړاندې جنګېږي پرته له دې چې فکر وکړي چې زه ولې د خپل نظام په وړاندې جنګېږم ؟

دلته زموږ با فهمه او با تعلیمه او وطنپاله ځوانان کولی شي دا ځوان له جګړې راوګرځوي او دېته يې وهڅوي چې د خپل نظام ملاتړ وکړي ، او د خپلو امنیتي ځواکونو سره په ګډه ددې وطن ساتنه وکړي تر بل هر چا د ځوانانو رول د سولې په برخه کې اغیزمن دی ، یو دلیل يې دا دی چې ځوانان د خپل هېواد حالات ښه درک کولی شي ، دوهم دا چې ټول ځوانان له جګړې ستړې دي جګړه نه غواړ ، او دریم دا چې دولت مو پر ځوانانو باور لري .
نو په ټوله کې باید ووایمه چې ځوانان د هېواد په ټولو برخو کې د هېواد د پاره مهم رول لري کله چې دوی د هېواد په پرمختګ او د نظام په پیاوړتیا کې خپل مسوولیتونه وپېژني هېواد مو جوړېږي .

ډیوه افغان

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: