![د مور د وینې منفي ګروپ او د ماشوم ژیړی ناروغۍ اړیکه 1 2H 18316](https://wasiweb.com/wp-content/uploads/2019/05/2H-18316.png)
د مور د وینې منفي ګروپ او د ماشوم ژیړی ناروغۍ اړیکه
که چیری د وینی یو مثبت ګروپ والا نارینه د منفی ګروپ والا ښځی سره واده وکړی نو په دی حالت کی د ماشوم دوینی ګروپ په جنتیکی ډول سره د مور او پلار څخه مشتق کیږی که چیری د ماشوم ګروپ پلار ته وشی یعنی مثبت راشی نو په دی وخت کی چه کله ماشوم پیدا کیږی دولادت په وخت کی د ماشوم لږه اندازه وینه دمور له وینی سره ګډیږی.
[ دا یواځی د ولادت په وخت کی ګډیږی په نورو وختو کی د مور او ماشوم وینه په هیڅ وخت کی نه سره ګډیږی] چه له دی سره د ماشوم د مثبت وینی په مقابل کی دمور بدن حساسیت ښیی او په مقابل کی یی انتی باډی جوړوی.اوس خو اول ماشوم پیدا شو هیڅ مشکل یی ونه درلوده خو که چیری ددی مور دوهم ماشوم هم مثبت ګروپ والا شی نو هغه حساسیت او انتی باډیانی چه مور د اول ماشوم په مقابل کی جوړی کړی وی و همدی ماشوم ته د مور په رحم کی د پلاسنتا د لاری ځی چه د ماشوم د وینی د تخریب ،کمخونی زړه له کاره لویدل او سقط یا په عامه اصطلاح نقصان سبب ګرځی او که چیرته ماشوم ژوندی پیدا هم شی نو شدید ژیړی به ولری چه د وینی و اکسچانج یا د ټولی وینی بدلیدو ته ضرورت لری.
د دې حالت له رامنځته کیدو څخه مخنیوی:
د ټولو هغو ښځو د وینی ګروپ دی معلوم کړل شی کومی چه د حاملګی په دوران کی دی که چیری یی د وینی ګروپ منفی و نو د ولادت په وخت کی دی د ماشوم د وینی ګروپ هم وکتل شی که دا مثبت و نو مور ته د ولادت په اولو دریو ورځو کی د RhoGAM په نامه پیچکاری لګول کیږی چه وروسته له دی ددی پیچکاری ښه وخت د حاملګی اومه میاشت او د ولادت وخت دی
او که چیری ماشوم د ژیړی سره پیدا شو نو ژر تر ژره ورته فوټوترافی یا شعاع ورکول کیږی که ژیړی یی ورسره کم نشو نو ټوله وینه یی بدلیږی.
لیکنه: دکتور کریم الله ظاهري