روژه

د فطر د اختر په ورځ سنت د طريقى ځينې لار ښونې

1- د اختر له لومړۍ شپې نه د اختر تر  لمونځ پورې د تكبير ويل . نارينه دا تكبير  په جوماتونو ، كورونو ، بازارونو كښې د خداى پاك د تعظيم او دهغه د شكر د په خاى كولو په خاطر …… او د خوشحالۍ د اظهار لپاره  په لوړ آواز سره كوي .

او  ښځينه بايد تكبير  په ټيټ آواز سره وكړي ( په فردي صورت ، نه په ډله ايز ډول )   د اختر د لمانځه تكبير ( الله أكبر .. ألله اكبر .. الله أكبر.. لا إله إلا الله .. الله أكبر .. ألله اكبر … و لله الحمد )
2- د اختر د لمونځ   اداكول  ، يعنى د اختر لمونځ بايد په هيڅ صورت هير نه شي .
3- غسل كول ( د اختر لمونځ ته له تللو د مخه ) او ” نارينه بايد عطر استعمال كړي.”
او د ښكلو او پاكو جامو اغوستل .
4- د اختر له لمونځ له ادا كولو نه مخه يو څه خوړل . بهترين شى خرما ده.
5-  د لمونځ لپاره د تكبير ويل .
6- په عيدګاه كښې د لمونځ ادا كول – د نارينه ؤ ، ښځينه ؤ او اطفالو لپاره-،  ( هغه ښځې چې په حيض كښې دي يعنى مياشتنۍ دوره كښې دي هغوي خطبې ته حاضريداى  او خطبه  اوريداى شي اما لمونځ نه شي كولاى).
7-  عيدګاه ته په خپلو پښو يعنى پياده تك او په بله لار بيرته راتك . ( البته كه عيدګاه يا جومات لرې وي نوسړى  په موټر يا بله ترانسپورتي وسيله تلاى شي)
8-       په عيدګاه كښې د اختر له لمونځ نه د مخه نفل لمونځ نه كيږي.
9- د اختر لمونځ دوه ركعته دى ، لومړی ركعت له اوو تكبيرونو ( الله أكبر ) سره پيل كيږي او دوهم ركعت له پنځو تكبيرونو سره پيل كيړي .
كله چې ملا إمام دوه ركعته لمونځ پا ى ته ورسوي او مخ وكرځوي نو د خطبې په  ويلو پيل كوي چى لمونځ كوونكي بايد خطبه واوري .
10-  يوبل ته د اختر د مباركۍ وركول.

يادونه :

1- مسلمان ته ښايي چې د ( فطر زكات) د اختر له لمانځه د مخه وركړي . د فطر زكات وركول د روژې په وروستيو دوو ورځو كښې وركول كيداى شي. خو كه څوك يى  د لمانځه د ادا كولو نه پس وركړي  څه فايده  نه لري . ( دا بيا ګناه ګڼل كيږي )
2- د شوال په مياشت كښې شپږ ورځې روژه نيول مه هيروۍ ، خپلو خپلوانو، دوستانو او آشنايانو ته هم توصيه وكړۍ چې د شوال په مباركه مياشت كښې هم شپږ ورځې روژه ونيسي . رسول اكرم (ص) فرمايي :
( من صام رمضان ثم أتبعه ستاً من شوال كان كصيام الدهر ) مسلم
چا چې د روژې د مياشتې روژه ونيوله او بيا يى د شوال شپږ ورځې  روژې ونيوى دا يو عصر يا يو عمر  روژو په شان دي.
په اختر كښې خلك خوشحالي كوي او د خداى شكر په ځاى كوي . د يو مسلمان لپاره دا د شكر اختر دى ځكه چې دى ديرش ورځې روژه نيسي او د خداى امر په ځاى كوي او په اختر كښې ځكه خوشحالي كوي او شكر باسي چې خداى ورته  د روژې په مياشت كښې چې د رحمت او مغفرت مياشت ده، په هغه باندى د رحمت باران وروي او مغفرت ورته كوي
طاعتونه او عبادتونه مو خداى قبول كړه

الحاج فضل الله رشتين.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: