د غسل ډولونه
غسل په څو ډوله دی؟
غسل په څلور ډوله دی .
١ ) فرض ، د جُنابت غسل او د حېض او نفاس د پاکېدلو غسل فرض دی .
٢ ) واجب ، که کافر په حالت د جنابت کې مسلمان شي .
غسل ورکول مسلمان مړي ته په ژوندو مسلمانانو واجب دي.
که ټول بدن ته يې ظاهري نجاست رسېدلی وي.
٣ ) سنت : د جمعې د لمانځه ، د اخترونو د لمونځونو ، د احرام او په عرفات د درېدلو لپاره عسل کول سنت دي.
٤ ) مستحب : هلک يا نجلۍ چې پنځلس کلنۍ ته ورسي ، کافر چې مسلمان شي او جنب نه وي ، مدينې منورې ته د ننوتلو د پاره او داسې نور .
