اوبه، چای او څښاک

د شین چای روغتیایي زیانونه

د (24timer  ) پنامه ډنمارکی ژبی ورځپاڼی خپل د ۱۷ / ۰۱ / ۲۰۱۱ نیټی په ګڼه کی د ( شین چای ستاسی اینه زیانمنه کوی ) تر سرلیک لاندی یوه څیړنیزه لیکنه خپره کړیده چی پښتو ژباړی ته یی په لاندی کرښو کی د درنو لوستونکو پام را ګرځوم : 

       ډاکتران په حیرانتیا سره وایی چی شین چای د ګټورو انتی اوکسیدانتی موادو د درلودلو سره سره ستاسی اینه زهرجنه ( مسموم ) کوی ( انتی اوکسیدانت – دا هغه طبعی اویا په مصنوعی ډول جوړ شوی  مواد دی لکه انزایمونه او نور عضوی مالیکولونه چی د اینی په انساجو کی د اکسیجن دتخریبی اغیزو مخنیوی کوی . ژباړونکی ) . په نړۍ کی ډیر کسان شته چی هره ورځ شین چای څکی او یو شمیر یی لدغه لامله د اینی د زهری کیدلو سره مخامخ کیږی .

د ګلوستروپ  (Glostrup) په روغتون کی یوی ډلی ډکترانو په لومړی ځل دا ډول زهری کیدل په یوی ۵۵ کلنی ښځی کی و موندل چی اینه یی دشین چای د څکلو لامله التهابی شوی وه . یو نیم کال وړاندی دغه ښځه روغه غوندی په روغتون کی پدی خاطر بستر شوه چی خپل شخصی ډاکتر یی د اینی د تست په نتیجه کی ځینی اعداد په غیرنورمال ډول لوړ تثبیت کړی وو . که څه هم دقیق او هر اړخیز معاینات ترسره شوه مګر دهیڅ ډول درملو ، الکولو ، ویروسونو او یا د شخصی محافظوی سیسټم د لاری د نوموړو عددونو دجګوالی لامل و نه موندل شو .
ګټور او زهری مواد  :

په نوموړی روغتون کی ډاکتر جوهن روهدی (Johan Rohde  ) پدی اړوند وایی : « تر ډیرو پوښتنو ګرویږونو وروسته ښځی څرګنده کړه چی دا هره ورځ د څلورو څخه تر شپږو ګیلاسونو پوری شینی چای څکی . په پای کی مو هغه له روغتون نه رخصت او سپارښته مو ورته وکړه چی نور دی دشنو چایو له څکلو څخه بیخی لاس واخلی . کله چی څو میاشتی وروسته هغه دکنترولی معاینو پخاطر راغله ، څرګنده شوه چی د اینی نوموړی عددونه  یی نورمالی کچی ته راغلی وو » .

د نوموړی ډاکتر د څیړنو له مخی هغه شی چی ددغی ښځی د اینی د التهابی کیدلو باعث ګرځیدلی وو ، هغه انتی اوکسیدانتی مواد دی چی همدارنګه د روغتیا دپاره مفید ګڼل کیږی . وروسته پر ځینو حیواناتو باندی یو لړ څیړنو وښودل چی همدغه ګټور انتی اوکسیدانت کولای شی د اینی په زهری کیدلو کی رول ولوبوی .
ډاکتر جوهن روهدی وایی : « یو شمیر داسی درملونه شته لکه انتی بیوتیک چی کیدلای شی د داډول ناروغی درامنځته کولو لامل شی مګر دشنو چایود څکلو له کبله پدی ناروغی باندی اخته کیدل د حیرانتیا وړ خبره ده  . دی زیاتوی چی وروسته یی دا وموندل چی په نورو هیوادونو کی هم خلګ دشنو چایو د څکلو له مخی د اینی د التهابی کیدو سره د نوموړو چایو په وړاندی ددی ډول غبرګون سره مخامخ شویدی . په ځینو ځانګړو مواردو کی دا کار ددی سبب شوی چی د اینی نیمګړتیاوی رامنځته کړی . ددی ستونزو سره سره بیا هم ددی خبری مانا دا نده چی څومره شنی چای په کور کی لری ، هغه کثافتدانی ته وغورځوې دا ځکه چی د اینی د عدد جګوالی هروخت د اینی د التهابی کیدو سره تړلی نه وی . د یادی بستری شوی ښځی بیلګه ښئی چی هره ورځ په زیاته پیمانه ( د څلورو شپږو پیالو نه زیات ) د شنو چایو څکلو ته باید زړه ښه نکړل شی .

د اینی التهابی کیدلو یا هیپاتیت ( Hepatitis) بنسټیز لاملونه :
هیپاتیت کولای شی بیلابیل لاملونه ولری چی تر ټولو مهم لامل یی عفونی یا میکروبی دی . لدی نه پرته الکول ، یو شمیر داروګان او په ارګانیزم کی د اوسپنی او مسو د تعاملاتو د اختلال څخه راپیښی شوی ناروغې هم د اینی په التهابی کیدو یا هیپاتیت باندی انسان مصاب کولای شی . په ځینو کسانو کی د هیپاتیت ځانګړی ډول لیدل شوی چیری چی د بدن ذاتی معافیتی مقاومت د یو لړ ناپیژندل شوولاملونو له کبله د اینی په وړاندی غبرګون ښئی او هیپاتیت منځته راولی . دا ډول هیپاتیت د ( Autoimmun Hepatitis) پنامه یادوی . یو زیات شمیر ویروسونه هم شته چی د هیپاتیت لامل ګرځی ، دبیلګی په توګه د ویروسی التهابی کیدو هغه ساده شکل چی د غدوی ریږدونکی تبی له مخی منځته راځی او د مونونوکلئیوز ( Mononukleose) پنامه یی یادوی .  د ژباړی پای

      د ژباړونکی یادونه :
زه پخپله د عادت له مخی تور چای څکم او د بانډار انډیوالان می ټول پدی خبر دی چی د شنو چایو سره می ډیره جوړه نده . یوه ورځ می د چایو سره د بانډار پر وخت په لوړه ورځپاڼه کی د لیکل شوی خبر په اړوند کیسه ورته وکړه ، ځینو له هغوی نه داسی و ښودل چی ګواکی زه پدی خاطر چی د شنو چایو سره می جوړه نده ، نو یی پرضد کمپاین کوم . هغه دوستان به می هم د نورو لوستونکو تر څنګ دادی د نوموړی لیکنی ژباړه ولولی او نور دوی پوه شه او دشنو چایو سره یی مینه . باید ووایم د لوړی لیکنی موخه دا نده چی خلګ باید دشنو چایو څخه بیخی لاس واخلی بلکه اصلی سپارښت یی دادی چی په ډیره پیمانه یی څکل د اینی د التهابی کیدو امکانات ډیروی . ځکه نو پکار ده چی په پام سره وڅکلی شی .
ـ  د ټولو د روغتیا په هیله !

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: