![د شفتالانو د پاڼو یوه ناروغي (Peach leaf curl) 1 55 36039](https://wasiweb.com/wp-content/uploads/2020/04/55-36039.jpg)
د شفتالانو د پاڼو یوه ناروغي (Peach leaf curl)
د شفتالانو د پاڼو یوه ناروغي ده او هغه وخت یې حمله زیاته وي چې موسم د څو ورځو لپاره مسلسل مرطوب یا باراني وي. نوموړی یو فنګسي افت دی چې د کنترول ښه وخت یې د پاڼو تویدو څخه وروسته یعنې منی، ژمي او د سپرلی پیل دی.
ځیني بزګران اوس په همدې سپرلي موسم کې کوشش کوي چې نوموړی افت د درملو شیندلو پواسطه کنترول کړي خو کومه خاصه نتیجه نه ورکوي. بلکه نوموړی افت باید له پاڼې تویدو وروسته د راتلونکي کال لپاره کنترول شي.
په ژمي او یا هم د سپرلي په پیل کې مس یا copper لرونکي فنګس وژونکي لکه بوردو مکسچر (نیل توتیا، چونه او اوبه) او یا هم نور کاپر یا مس لرونکي فنګس وژونکي استعمال شي.
په انګلیسي ژبه د لا زیاتو معلوماتو لپاره لاندې لینک ته مراجعه وکړئ او نوموړی پوست له نورو سره شریک Share کړئ ترڅو باغداران مو له بې ځایه درمل شیندلو او بې ځایه مصارفو څخه بچ اوسي.