د خواښې د لاس مچو کول څه حکم لري؟ (فتوی)
پوښتنه:
السلام علیکم ورحمة الله و برکاته
زما پوښتنه دا ده چې ما له خلکو او استادانو اوریدلي چې خواښی د مور حیثیت لري نو کله چې خواښې د مور حیثیت لري کولای شو د خواښې لاس هم د مور په شان ښکل کړو. او که د اسلام له نظره د خواښی لاس باید څوک مچ نه کړي
ستاسو د ځواب په تمه
په درناوی
څپاند
ځواب ورکونکی: مولوی مجیب الرحمن منصور
ځواب:
قدرمنه وروره ! وعليکم السلام ورحمة الله و برکاته
خواښى خو د مور حيثيت لري خو لکن له ټولو حيثتونو څخه د مور په شان نده، نو که څوک د خپلې خواښى لاس مچوي، احتمال لري چې خواښې ځوانه وي، احتمال لري چې انسان ته د شهوت خوا ته مائل شي، نو په داسې حالت کې علماء وايي چې کله چې د چا کومې ښځې ته شهوت راشي نو د هغه اصول او فروع (مور او د هغې نه پورته او لوڼې او د هغوى نه ښکته) ټول ورباندې حراميږي، او د خواښې په فروعو کې د سړي ښځه هم شامله ده، نو خپله ښځه هم ورباندې حراميږي. نو د احتياط په خاطر د خواښې لاس مچول درست کار نه دى.
والله اعلم
