د افغان زدکړیالانو ټولنه سوډان

د افغان زدکړیالانو ټولنې قوانین

قوانین:-

  • لومړی فصل، ټولنه:
  1. ټولنه په افغاني او اسلامي اصولو ولاړه ده، او ورته سپکاوی په هېڅ ډول د منلو وړ نده.
  2. په ټولنه کې هر ډول تعصب له هغې جملې ژبنیز، قومي او سمتي تعصب او ډله بازي منع ده.
  3. د ټولنې ارزښتونه تر هر څه پورته دي، په مسایلو کې د ټولنې ګټې لومړیتوب لري. د هیڅ یوه ګټې د ټولنې تر ګټو پورته ندي.
  4. د ټولنې ټول کور نظافت په مېشتو ملګرو دی.
  5. د ټولنې مېشت ملګري د مېلمنو باید پوره قدر وکړي او مېلمانه ملګري هم ورته احترام ولري.
  6. د ټولنې یوه خونه د اوسیدونکو ده او دوهمه خونه د ټولنې ده، چې مېشت ملګري ترې استفاده نشي کولای، او همدارنګه د ټولنې نور غړي د ټولنې د اوسیدونکو په خونه او ژوند کې د هېڅ ډول مداخلې حق نلري.
  7. د کور کرایه نیمه په مېشتو غړو ده او نیمه نوره یې ټولنه ورکوي. د ټولنې کرایه پر هر غړي کلنی کرایه چې ۱۲۰۰ جنیه دي تادیه کوي.
  8. د رمضان مبارکه میاشت کې هر هغه غړي چې اړ وي، په ټولنه کې د ژوند کولو حق لري.
  9. د ټولنې ټول لوازم مشترک دي، او هر وګړي چې کوم شی تخریب کړي، بل همداسې به ټولنې ته په شخصي لګښت اخلي.
  10. د ټولنې غړي دې د ټولنې میاشتنی د غړیتوب حق چې ۱۰۰ جنیه دي ورکوي.
  11. د ټولنې غړي دې خپلمنځي ستونزې ، اعتراضونه او شکایتونه په خپل منځ ‌کې حل کړي او یا دې ټولنې ادارې ته ورسول شي. په رسمي مجالسو کې دې یو بل څخه شکایت او اعتراض، چې د تاوتریخوالي لامل ګرځي منع ده.
  12. د ټولنې هېڅ غړی د بل غړي شخصي ژوند کې دخالت حق نلري.

 

  • دوهم فصل، مجلسونه او محاضرې:
  1. غړي دې د ټولنې د محاضرې او مجالسو کې دې جدي وي، مجالسو ته به په ټاکل شوي وخت ځان رسوي. او د نه حاضریدو په حالت کې دې فرهنګي مسوول ته د غیاب خبر ورکړي.
  2. هېڅ غړی پر ټولنې او غړو باندې په شفاهي ډول او مجلس کې د اعتراض او شکایت حق نلري، د موضوع حل لپاره به د ټولنې ادارې ته خبر ورکوي.
  3. په محاضرو او مجلسونو کې سیاسي او بې ګټې بحثونه او د مشخصو سیاسي افرادو او ګوندونو باندې خبرې او اعتراضونه چې د تاوتریخوالي لامل ګرځي منع دي.
  4. په اوونیز محاضرو او همدارنګه په رسمي مجلسونو کې هر غړی په خپل ټاکل شوی وخت او نوبت سره خبرې کوي او د مجلس نظم دې نه ورانوي. ( په محاضرو کې یو دور د دوه دقیقې او په مجلسونو کې دې دور او وخت معین شي).
  5. د ټولنې بهرني غړي چې غواړي په ټولنه کې ناستې او پروګرامونه جوړ کړي، نو کوم شیان چې دوی استعمالوي باید پاک او په منظم ډول پخپل ځای کېږدي او د مېشتو غړو د خوراکي توکو څخه د استفادې حق نلري.
  6. د ټولنې غړي چې غواړي ټولنه کې مطالعه وکړي نو د سهار د ( ۸ ) څخه تر شپې ( ۱۱ ) بجو پورې درس ویلی شي.
  7. د جمعې په شپه د ټولنې ټول غړي په ټولنه کې د تفریح حق لري. 
  • درېیم فصل مشر او کابینه:
  1. د ټولنې مشر به هر کال د د سپتمبر په ۵ نیټه د یو کال لپاره د ټولنې غړو لخوا ټاکل کیږي.
  2. د ټولنې مشر به خپله کابینه ټاکي چې عبارت دی له: مرستیال، مالي مسوول، فرهنګي مسوول، رسنیز مسوول او ورزشي مسوول څخه. کابینه یواځې مشر ته حساب ورکونکې ده.
  3. که د ټولنې کوم غړی د قوانینو سرغړونه او د ټولنې د تخریب هڅې وکړې، مشر او کابینه د هغه د ویستلو مستقیم حق لري.
  4. مشر د کابینې د غړو د بې کفایتۍ په صورت کې د تغیر او تبدیل حق لري.
  5. د ټولنې د مشر په غیاب کې مرستیال یې د مشر واکونه او دندې په غاړه لري.

 

  • څلورم فصل: قضا او محکمه:
  1. قضا او محکمه د څو تنو مشرانو څخه جوړه ده چې هر کال د ټولنې غړو لخوا ټاکل کیږي، د پرېکړې مستقیم حق لري.
  2. ټولنه به د قوانینو سرغړونکو ته د سرغړونې په حالت کې یو او دوه ځله اخطار ورکوي، د هغه نه وروسته قانون تطبیقیږي او هیڅ څوک د شکایت حق نلري.
  3. په کور کې د مېشتو غړو قانون خلاف ژوند د مجازات سبب ګرځي.
  4. د ټولنې هر غړی چې د ټولنې د قوانینو سرغړونه وکړي او د ټولنې راتلونکی له ګواښ سره مخ کړي، هغه به د ټولنې لخوا مجازات کیږي. ( اشد مجازات له ټولنې ویستل دي.)

 

  • پنځم فصل: نوي راغلي زدکړیالان:
  1. نوي راغلو زدکړیالان څخه راتلو سره ( ۱۰۰) امریکايي دالره د ټولنې حق اخیستل کیږي.
  2. نوي راغلي زدکړیالان په ټولنه کې صرف یوه میاشت میلمه وي. بیا به ځان ته ځای ګوري.
  3. نوي زدکړیالانو ته د ټولنې په اړه معلومات ورکول د فرهنګي مسوول دنده ده.

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: