اسلامي کیسېلنډه کیسه

بادشاه او عالم.کیسه

یو عالم یوه سرکشه او ظالم بادشاه ته ورغی، هغه ته یې نصیحت وکړ او ورته ویې ویل چې له حقې لاري کوږ شوی یې،
بادشاه غوسه شو او عالم یې بنديخانې ته ولیږه.
عالم اووه کاله بندي پاتې شو.
یوه ورځ بادشاه ناست و او عالم وریاد شو، هغه یې راوغوښت او لاندې مجلس یې سره پیل کړ:

بادشاه: تا ما ته سختي خبري وکړې او خطرناکه لاره دې غوره کړه
عالم: زه طبيب یم او ناروغ ته نصیحت زما مسؤلیت دی
بادشاه: ته چا دومره زړور کړی یې چې امیرانو ته داسې خبري کوه؟
عالم: ته چا قاضي کړی یې چې پخپله خوښه حکمونه صادروه؟
بادشاه: زه د هیواد پاچا ټاکلی یم
عالم: زه د انسانانو خالق مکلف کړی یم
بادشاه: ته نه پوهیږې چې امیرانو ته داسې خبري کول خطرناک کار دی؟
عالم: ته هم باید پوه شې چې د الله له بندګانو سره ظلم تر دې خطرناک کار دی.
بادشاه: نور عالمان ولې ستا په څېر خبري نه کوئ؟
عالم: هغوی له اووه کلني بنديخانې ويریږي.
زه د یوسف علیه السلام پیروي کوم او ستا خوشالي مهمه نه بولم.

دې خبرو سره د امیر زړه نرم شو او له عالم سره یې نرمي پیل کړه،،، بیا یې ترې وپوښتل:
بادشاه: زما نه چې هر څه وغواړې زه یې درکوم، وغواړه!!!
عالم: ځواني مې پیرته راته راوګرځوه!
بادشاه: دا زما د وس خبره نه ده
عالم: له مرګه مې وژغوره!
بادشاه: دا هم نشم کولی
عالم: زما پرمخ د داسې چا دروازه خلاصه ده چې دا ټول کارونه کولی شي.
بادشاه: زما نه به خامخا یو شی غواړې،
عالم: که داسې وي نو بیا ستا له دې تور غلام نه یو شی غواړم، ستا نه یې نه غواړم
بادشاه: دا ستا ناپوهي ده چې زما نه یې نه غواړې او زما له بې وسه غلامه یې غواړې؟؟؟
عالم: ستا په ځای ستا له غلام نه په غوښتلو ته غوسه شوې؟ زما نه مې زما مولا ستا نه په غوښتلو خپه کیږي
بادشاه: په هر صورت خامخا به زما نه یو شی غواړې،
عالم: ښه نو درۍ بورۍ غنم زما کره پخپله شا راته یوسه
بادشاه: دا نشم وړلی، که مې وړلی شوی درسره وړل مې.
عالم: نو د دومره ولس د مسؤلیتونو پیټی څنګه وړلی شې

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: