شکر ناروغي

افغانستان کې ځوانان او ماشومانو کې د شکر ناروغي

د افغانستان روغتیا وزارت وایي د شکر (ډیابیټ) ناروغان ورځ تر بلې په ډېرېدو دي.

ډاکټران د شکر ناروغۍ په اړه وايي چې دا ناروغي د پاخه عمر کسانو تر څنګ په کوچنیانو او ځوانانو کې هم شته، خو د پاخه عمر کسانو پرتله د ځوانانو او ماشومانو د شکر درملنه ګرانبیه او ستونزمنه ده.

د شکر ناروغۍ درمل ګران دي او ناروغان یې اړ دي ټول یې عمر یې وکاروي.

د شکر ناروغۍ متخصص داکټر حبیب گل اریوبي وایي که دغه ناروغي په وخت کنټرول نه شي د مرګ لامل ګرځي.

دا نور غړي خرابوي، لکه د سترګو، عصابو او زړه ناروغۍ پیدا کوي، یا د پښتورګو او محیطي عصابو ناروغي منځته راوړي چې ان د پښو پرې کېدوسبب هم ګرځي.

شکر ناروغي په وینه کې ستونزې رامنځ ته کوي او پښتورګو یا ګردو ته هم زیان رسوي او د ړندېدو او همدارنګه د زړه د ناروغیو او قلبي حملو امکان په کې شته .

د روغتیاپالو په خبره، د وزن ډیروالی، غوړین خوراک او فزیکي کار نه کول او ځیني وخت میراثي نژادېوالی او د عمر ډېروالی شکر ناروغي پیدا کوي.

د شکر د مخنيوي په اړه ډاکټران وايي: که منظم ورزش وشي، سم خواړه وکارول شي، په خوړو کې د غوړو او خوږو اندازه کابو کړی شي او سیګرټ ونه څکول شي، نو د شکر مخنیوی کېدلی او کنټرولېدلی شي.

افغانستان کې په شکر د اخته کسانو شمیر ۸ عشاریه ۴ سلنه دی او هر کال له لسو تر شل زرو کسان د دې ناروغۍ له امله مري.

ملګرو ملتونو سږ کال له شکر سره د مبارزې نړیواله ورځ د ښځې او شکر ناروغې په نوم ولمانځله.

دغه سازمان وایي اوس مهال په نړۍ کې ۱۹۹ میلیونه ښځې په شکر اخته دي چې تر ۲۰۴۰ کال به دغه شمیرې ۳۱۳ میلیونو ته ورسیږي.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: