اخلاق

اسلامي ( آداب ) كړه وړه

په اسلام كښې اسلامي كړه وړه يعنې آداب ډير مهم دي او ډير ارزښت لري .

  هر مومن بنده ته ښائي چې دا لاندني آداب  په پام كښې ونيسي .
*   د جسم  پاك ساتل   . كه څوك ناپاك وي نو د غسل په كولو د جسم پاكول .
*  د جامو پاك او صفا ساتل .
* خوله  او غاښونه په مسواك يا برس پاكول.
*  په عامو لار له  متيازو كولو نه ډډه كول.
*  پرته له كوم ضرورت څخه په ولاړه متيازې  نه كول.
*  د امكان په صورت كښې هره ورځ  غسل كول  او كه امكان نه وي نو  د جمعې  په ور ځ غسل او جسم پاكول ضرور دى .
*  د ډوډۍ له خوړلو مخكښې او وروسته لاسونه منځل.
* د كورنۍ له غړو سره يو ځاى ډوډۍ غوړل.
*  د سا له اخستلو سره  قرار قرار د اوبو څښل.
*  په ناسته د اوبو څښل.
* د خوراك او څښاك نه پس الحمد لله ويل او د خداى  پاك شكر په ځاى كول.
* په مجلس كښې  بل څوك له ځايه نه جكول او پخپله د هغه په ځاى  نه كيناستل .
* په عامه  لار نه كيناستل .
*  په ادب او احترام سره د سلام جواب وركول
*  د نيكئ حكم وركول او له بدئ څخه ځان ساتل .
* د ښو خلكو سره صحبت كول .
* پرته له اجازې د بل چا په څوكۍ يا ځاى نه كيناستل.
*  په مجلس كښې له بل چا سره ناست  پس پس نه كول.
* له خلكو سره د ليدو په وخت په ورين تندي او مسكا خبرې كول  او د خوښئ اظهار كول .
* د ملاقات په وخت ” السلام عليكم و رحمة الله و بركاته ” ويل .
* د سلام جواب په و عليكم السلام وركول.
* د ملاقات په وخت د سلام نه پس مخاطب سړي ته لاس وركول او روغبړ كول.
* د چا كورته بې اجازې نه ننوتل .
*  كه ممكن وي نو  په سفر كښې له ځان سره د ملګري لرل.
*  په وخت ويده كيدل او په وخت له خوبه پاڅيدل.
*  د شپې له خوا مخكې له ويده كيدو دعا كول.

اللهم باسمك اموت و احيى ( بخاري )
اى الله ستا په نوم مړ كيږم او ستا په نوم ژوندى كيږم.
* له خوبه له پاڅيدو سره سم دعا كول.
*الحمد لله الذي احياني بعد اماتني و اليه النشور.
ټولې ستاينې  د الله پاك د پاره دي چا چې  مونږ د مړينې نه پس  ژوندي كړو او د هغه خواته ټول ورروان يو.
و من الله التوفيق

الحاج فضل الله رشتين

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: