شعر

اتل افغانستان یم -شعر

خــــاوره د غیرت یــم زه     چـیـــــغه د همــــــــت یم زه

غږ د صداقــــت یـــم زه     رمـــز د شرافــت یــــــــم زه

عزم  فــولادي لـــــرم زه     تـــوره عمـــري لــــــــرم زه

مینـــــه الهــــي لــرم زه     مېـــنه ایمـــانـــــي لــــــرم زه

اوږد تاریخ لـرم ویاړلی       ډاګیز دریځ لـــــــرم ټاکـــلـی

ښـه نوم لـرم وتــــــلـی        لـوړ نښـــــان لــرم ستایــلی

ما کې به ایمان اوسـي       ما کــــــې به قـــرآن اوســـي

ما کـې فدایان اوســــي       ما کــــــې باتــــوران اوســـي

نه مې دي وهلي څــوک      نه مــې دي رټلـــي څـــــوک

نه مې دي کنځلي څوک      نه مـې ځورولــــــي څــــوک

نه کوم ګـوزار پــه چــا       نه منـــــــم ګوزار د چــــا

نه لرمه کـــار پــه چــا       نه منمــــــــــه کار د چــــا

نه کوم ناتــــار پـه چـا       نه منـــــــم ناتار د چــــــــا

نـه وړمه زه بار دچـا        نه وړمه خپـــــل بار په چا

خپله خپلواکي غواړم        خــپلــــــه آزادي غــــــواړم

خپله سرلوړي غواړم       حـــــق مــې لازمـي غـواړم

زه افـغـــانستان یـــــم       کــــور د مــــــــــسلمان یـم

بل ته تور زندان یـــم       خپل ته ســـــــپین امان یــم

                اتل افغانستان یم

                اتل افغانستان یم

ن. ف. وردګ

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: