![آیا ښځه فتنه ده؟ 1 2H 33384](https://wasiweb.com/wp-content/uploads/2020/04/2H-33384.jpg)
آیا ښځه فتنه ده؟
په چادري کې تاوه میرمن له وړې ماشومې سره دوکان ته پورته شوه.
له ناستو کسانو څخه یوه غږ کړ:
واه، څه قد!
میرمنه، لکه کڼه چې وي؛ ځان یې غلی کړ.
بل وویل:
دا لور ستا ده؟
هغه بیا غلې شوه، لکه هیڅ چې یې نه وي اوریدلي.
بیا ورغږ شو:
څو کلنه به یې؟
د میرمنې سترګې ډکې شوې، چادرې لاندې یې پرې دستمال راکش کړ. له قهره یې وخندل او له دوکانه ښکته شوه.
ناستو کسانو، یو بل ته وویل:
ومو لیده، هماغه زما خبره شوه. رښتیا چې ۹۹٪ شهوت په ښځو کې دی، ښځه فتنه ده او نران بې لارې کوي!