١- د ناروغۍ د زياتېدا وېره: که يو څوک له روژې نيولو وروسته د ورځې په لړ کې ناروغ شو؛ نو که د روژې له امله يې ناروغي زياتېده يا اوږدېدله، کولای شي روژه ماته کړي او بيا به يې قضا راګرځوي کفاره پرې نشته، او که په پېچکاري يې درملنه کېدله، بيا دې روژه نه ماتوي ^(۱)

۲- د مور يا ماشوم ژوند ته ګواښ: حاملې مېرمنې ته که داسې څه ورپېښ شول چې د هغې يا يې د ماشوم ژوند ته ګواښ و، هغې ته روژه ماتول غوره دي. ^(۲)

۳- مرګونې تنده رامنځته کېدل: د خوړو پخولو يا بل کوم اړين کار کولو له امله څوک دومره تږی شو چې مرګ ته نږدې شو، هغه دې روژه ماته کړي. ^(۳)

۱- احسن الفتاوی ۴/۴۳۲
۲-  مسائل رفعت قاسمي، دوهم ټوک، مسائل روزه
۳-  مسائل رفعت قاسمي، دوهم ټوک، مسائل روزه