هېموګلوبين څه شی دي؟
لکه څنګه چې د هېموګلوبين ماليکول د وينې د سرو حجراتو په نامه هم يادېږي د تنفسي سيسټم د غړو څخه نسجونو ته د اوکسيجن او د نسجونو څخه د کاربن دای اکسايد او يو هايډروجن اټوم د لیږد دنده لري او په همدې وخت کې وينې ته د سره رنګ وربښونکی هم همدا هېموګلوبين دي.
هېموګلوبين د وينې په سرو کوروياتو کې موجود وي خو د توليد اصلي ځاي يي د هډوکو مغز او ځګر دی، د هېموګلوبین ترټولو مهمه دنده دا ده چې د اوکسيجن د سږو سره راتلو سره سم د هېموګلوبين سره تړل کېږي او د وينې ددوران د سيستم په مټ د بدن ټولو حجرو ته رسول کېږي.
د نورمال انسان په وينه کې د هېموګلوبين نورماله سويه ۱۲-۱۶ g/dl ده، دوينې د توليد لپاره تر ټولو مهم عنصر اوسپنه ده د نورمال انسان په بدن کې د ۳-۵g اوسپنه شتون لري.
د هېموګلوبین د کمي صورت کې د بدن غړو او حجراتو ته په پوره ډول اوکسيجن نه رسېږي نو دلته په بدن کې د کم خونی د علامو ليدل پيل کېږي، د انسان بدن بې حاله، ستړی، د سر ګرځېدل، د پاملرنې او درک کموالی، د وېښتو تويېدل، په اساني مريض کېدل او د مريضيو په وړاندې د مقاومت کمېدل ليدل کېږي.
د خپل بدن د هېموګلوبين د سويې د پوهېدلو لپاره تاسې د خپلې وينې ټېسټ (ازموينې) کولو ته اړتيا لرۍ که چېرته مو د وينې د هېموګلوبين سويه تر ۱۲g/dl کمه وه نو لازمه ده چې د اوسپنې او ويټامينونو تقويه و کړي.
لاندې خواړه او مېوې کولي شي ستاسې د کم خوني مشکل سره مرسته وکړي:
۱- غوښه
۲- دچرګ سينه
۳- غني حبوبات
۴- لوبيا
۵- پالک
۶- نخود
۷- روميان او د روميانو روب
۸- د ماهي غوښه او داسې نور
ژباړن : منيب الرحمٰن رحماني
