هغه علم چې د عمل ثمره ده
يو تابعي وايي:
( مونږ به د عمل کولو په مرسته احاديث يادول)
عمل زړونه ژوندي کوي او هغه علم چې د عمل له لارې لاس ته راغلی وي، د انسان ملکه او خوی ګرځي چې انسان پرې خپل ژوند روښانه کولی شي او د ژوند په لالهانده کږليچونو کې انسان ته د سم ګام پورته کولو ځواک وربخښي.
ديل کارنګي وايي: ( زده کړه ايجابي او مثبت ګام دی، منفی کار نه دی او مونږ هلته څه زده کولی شو چې عمل پرې وکړو، نو کله چې غواړې له دغه کتاب څخه ګټه واخلې، عمل پرې وکړه او کله چې فرصت په لاس درغی مه يې ضايع کوه، ځکه که چيرې دا ونکړې ، ژر ده چې علم به دې هير شي، هغه علم په ذهن کې کښيني چې په کار واچول شي.
