مېوې او سابه چېرې او څنګه وساتو؟
د مېوو او سبو سم ساتل په دې مانا دي چې پکې شته معدني مواد، ويټامينونه، اکسيډانونه او فيبر له منځه ولاړ نه شي.
څېړونکي وايي، تل دومره مېوې او سابه واخلئ چې د يوې اونۍ لپاره مو بس شي، ځکه که تر يوې اونۍ ډېرې ساتل کېږي نو غذايي ارزښت او محتويات يې له منځه ځي.
کرم، سور کرم، پالک، ګازرې او نور هغه سابه چې په سلاد کې ترې کار اخیستل کېږي لکه سره بانجان، بادرنګ، کاهو، شنه پیاز، ګیلاس، سرې مېوې او نور باید په یخچال کې وساتل شي.
کېلې په یخ ځای کې له مڼو او ناک څخه لرې وساتئ.
اناناس، ام، املوک او انار بیا په لږ یخ ځای کې یا د یخچال په ټيټ پوړ کې کېږدئ.
پالک، کرم او ټوټه شوې مېوې له پنځو ورځو ډېرې په یخچال کې مه ساتئ.
بادرنګ او سره بانجان تر دوو اونیو پورې په یخچال کې ساتلی شئ.
تور بانجان، کدو او نورې نازکې سبزۍ له پنځو ورځو زیاتې باید په یخچال کې ونه ساتل شي.
ژباړه: حمید الله حمیدي
